Асабняк купчыхі Кацнельсон (Бабруйск)

Асабняк
Асабняк Кацнельсон
53°08′21,21″ пн. ш. 29°13′18,10″ у. д.
Краіна	Беларусь
Горад	Бабруйск
Архітэктурны стыль	мадэрн
Дата пабудовы	1912 год
Статус	Гісторыка-культурная каштоўнасць Беларусі, шыфр 513Г000057
Медыяфайлы на Вікісховішчы

Асабняк Кацнельсон — будынак у Бабруйску па вуліцы вул. Інтэрнацыянальнай (былая вул. Прысутная), 25, створаны ў стылі мадэрн.

Гісторыя

Шыльды на будынку

Пабудаваны ў 1912 годзе, спачатку належаў купчысе Канцельсон. Гаспадыня асабняка, купчыха 1-й гільдыі Пая-Брайна Кацнельсон, займалася гандлем лесам. У 1901 годзе абарот яе фірмы склаў два мільёны рублёў у год, а імя Кацнельсон было добра вядома за межамі Расійскай імперыі, у прыватнасці, на англійскім рынку. Яе сын, Нісан Іосіфавіч Кацэнельсон, па спецыяльнасці фізік-эксперыментатар, быў грамадскім дзеячам і дэпутатам Дзяржаўнай думы I склікання ад Курляндскай губерні.

З лістапада 1918 года ў будынку дзейнічаў павятовы рэвалюцыйны камітэт, у гонар чаго ў 1958 г. на будынку была адкрытая памятная дошка.

Сёння ў сценах асабняка працуе гарадская бібліятэка, унутраная планіроўка нядрэнна захавалася.

Архітэктура

Задні фасад

Будынак з'яўляецца тыповым прыкладам «апартаментаў» заможных месцічаў. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Будынак аднапавярховы, драўляны, Г-падобны ў плане, завершаны двухсхільным дахам. Галоўны фасад дэкараваны двума двухпавярховымі вежамі з шатрамі. У цэнтры вылучаецца круглая мансарда з выхадам на балкон. Планіроўка калідорнага тыпу з двухбаковым размяшчэннем розных па памеры памяшканняў.

Спасылкі

• На Вікісховішчы ёсць медыяфайлы па тэме Асабняк купчыхі Кацнельсон (Бабруйск)
• Асабняк купчыхі Кацнельсон (Бабруйск) на сайце Radzima.org
• Асабняк купчыхі Кацнельсон (Бабруйск) на сайце Глобус Беларусі (руск.)
• Асабняк купчыхі Кацнельсон (Бабруйск) на сайце «Архіварта»