Асава (Воранаўскі раён)

Вёска Асава Краіна Беларусь Вобласць Гродзенская Раён Воранаўскі Сельсавет Пагародзенскі Каардынаты 54°04′44″ пн. ш. 25°12′55″ у. д. Насельніцтва ▼45 чал. (2009) Часавы пояс UTC+3 Тэлефонны код +375 1594 Аўтамабільны код 4 СААТА 4213866051 Асава Асава

Асава на Вікісховішчы

Асава́ (трансліт.: Asava, руск.: Осова) — вёска ў Воранаўскім раёне Гродзенскай вобласці. Уваходзіць у склад Пагародзенскага сельсавета.

Геаграфія

Знаходзіцца за 8 км на паўднёвы захад ад Воранава, на рацэ Асоўка. Транспартныя сувязі ажыццяўляюцца па мясцовай дарозе і далей па шашы Бастуны—Радунь.

Планіроўка ў адну вуліцу, плаўна выцягнутую з захаду на ўсход. Забудова драўляная, сядзібнага тыпу.

Гісторыя

У 1524 годзе згадваецца як фальварак гаспадарскага баярына Л. Петрашкевіча, уласнасць канцлера ВКЛ Альбрэхта Гаштольда. У 1536 годзе ўладанне баяраў Дамейкавічаў, потым Давойнаў. У 1567 годзе маёнтак у Лідскім павеце ВКЛ, уладанне берасцейскага кашталяна Яна Гайкі, які выстаўляў у войска 30 коней.

У XVII ст. маёнтак, шляхецкая ўласнасць. Касцёл у гонар Святога Юрыя быў заснаваны тут у 1666 годзе па фундацыі Казіміра Францкевіча, тагачаснага ўладальніка Асавы, і яго жонкі Аляксандры. Новы драўляны касцёл быў пабудаваны ў 1732 годзе на сродкі князя Юрыя Радзівіла.

Касцёл у вёсцы Асава быў цэнтрам Гародзенскай парафіі ў XVIII ст. Ад касцёла, у кірунку на поўнач, полем праз грэблю і масток, зварочвала налева і вяла далей прамая дарога на Радунь, направа — праз адкрытае поле ішла дарога праз Гародна да Эйшышак. Дарога партыкулярная вяла праз Падваранцы да Германішак. Праз масток, міма млына і праз вёску Біланцы ішла дарога на Жырмуны.

З 1921 года ў складзе Польшчы. З 1939 года ў БССР. У 1940—1963 гадах цэнтр Асаўскога сельсавета.

Насельніцтва

Год Колькасць 1999 83 2009 45

Славутасці

• Касцёл Святога Георгія (1910) —  Гісторыка-культурная каштоўнасць Беларусі, шыфр 413Г000688
• Плябанія

• 
  Касцёл Святога Георгія
• 
  Плябанія
• 
  Новая плябанія

Вядомыя асобы

• Галіна Аляксандраўна Булыка (нар. 1960) — беларуская пісьменніца, перакладчык.

Літаратура

• Гарады і вёскі Беларусі: Энцыклапедыя. Т. 9: Гродзенская вобласць, кн. 1 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2015. — 656 с.: іл. — 2 000 экз. — ISBN 978-985-11-0839-4.

Спасылкі

• radzima.org