Асафетыда

Неапрацаваная асафетыда і асафетыда ў выглядзе настойкі

Асафетыда — смалістае рэчыва з рэзкім часночным пахам, якое здабываюць з сярэднеазіяцкай расліны ферулы асафетыды, выкарыстоўваецца ў медыцыне.

Уласцівасці

У гатовым выглядзе вострыя прыправы асафетыда ўяўляе зярністую масу нявызначанай формы. Зярняткі («міндаліны») рознай велічыні звязаныя паміж сабой жоўта-карычневай ліпкай масай. Зярняткі ўнутры малочна-белыя з ружовымі пражылкамі. На месцы разрэзу ад дзеяння паветра робяцца пурпурна-чырвонымі, а затым чырвона-бурымі.

Пры пакаёвай тэмпературы асафетыда мяккая, як воск. Эластычнасць павялічваецца пры больш высокай тэмпературы. На холадзе, наадварот, лёгка здрабняецца ў парашок. Адной з самых характэрных характарыстык асафетыды з’яўляецца лятучасць яе паху і з’едлівасць густу. Смак адчуваецца ў роце на працягу некалькіх гадзін і не выдаляецца нават паласканнем рота.

Ужыванне асафетыды спрыяе прадухіленню метэарызму і палягчае страваванне ежы.