Бальтазар Гастунскі

Бальтазар Гастунскі
рэктар Браўнсбергскага езуіцкага калегіума[d] 1570 — 1570
Адукацыя	Папскі Грыгарыянскі ўніверсітэт
Дзейнасць	пісьменнік, багаслоў, педагог, місіянер
Нараджэнне	1534[…] Горшаўскі Тын[d], раён Домажліцы[d], Пльзенскі край, Чэхія
Смерць	7 чэрвеня 1600(1600-06-07) Хомутаў, раён Хомутаў[d], Усцецкі край[d], Чэхія

Бальтазар Гасту́нскі (таксама вядомы як Астовіус лац.: Ostovius або Багемус лац.: Bohemus; чэшск.: Baltazar Hostounský; 1534 або 1535, Горшаўскі Тын, Чэхія — 7 чэрвеня 1600) — дзеяч каталіцкага касцёла, езуіт, выкладчык і місіянер.

Біяграфія

Нарадзіўся ў 1534 або 1535 годзе ў Горшаўскім Тыне (Чэхія). У 1555 годзе ў Рыме ўступіў у ордэн езуітаў, у 1562 годзе прыняў сан ксяндза.

Вучыўся ў рымскім «Калегіум раманум», дзе вывучаў філасофію і тэалогію. У 1563 годзе прыбыў у Польшчу разам з папскім нунцыем Ф. Камендонэ, каб рыхтаваць глебу для дзейнасці езуітаў у краі.

З 1565 года быў віцэ-правінцыялам першых польскіх езуіцкіх калегіумаў, дзе выкладаў матэматыку, грэчаскую мову і дыялектыку.

З 1569 года займаўся арганізацыяй езуіцкага калегіума ў Вільні, у якім пазней выкладаў палемічную тэалогію. Актыўна ўдзельнічаў у дыспутах з пратэстантамі.

З 1572 года вярнуўся ў Чэхію, дзе працягваў выкладчыцкую і місіянерскую дзейнасць. Аўтар шматлікіх тэалагічных прац на чэшскай мове, а таксама пераклаў на яе творы Антонія Пасевіна і Станіслава Гозія.

Літаратура

• Piechnik L. Początki Akademii Wileńskiej, 1570—1599. — Rzym, 1984.

Спасылкі

• Бальтазар Гастунскі на сайце Электронная энцыклапедыя «Вялікае Княства Літоўскае»