Асфальт

Асфальт з Мёртвага мора

Асфа́льт (ад грэч. ἄσφαλτος — «горная смала») — будаўнічы су́вязны матэрыял. Адрозніваюць прыродны і штучны асфальт.

Віды

Прыродны асфальт

Утвараецца ў выніку акіслення нафты пасля выпарэння яе лёгкіх фракцый. Пашыраны ў раёнах неглыбокага залягання і выхаду на паверхню нафтаносных парод.

Штучны асфальт

Уяўляе сабой сумесь бітумаў (13—60 %) з тонказдробненым вапняком, пясчанікам і іншымі матэрыяламі. Ад прыроднага асфальту адрозніваецца наяўнасцю парафіну і нафтавага алею.

Эксперымент, які ілюструе вязкасць асфальту: кавалак асфальту быў змешчаны ў варонку ў 1927 годзе; да 2007 года значная яго частка перацякла ў шклянку.

Выкарыстанне

Асфальт выкарыстоўваюць у якасці дахавага гідраізаляцыйнага матэрыялу, у вытворчасці асфальтабетону, замазак, клею.

Літаратура

• Асфальт // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 62. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх