Атэнеум (Хельсінкі)
| Атэнеум | |
|---|---|
| фінск.: Ateneumin taidemuseo | |
 | |
| Заснаваны | 10 кастрычніка 1888 года |
| Адкрыты | 1887 |
| Падпарадкаванасць | Helsinki Railway Square[d], Фінская нацыянальная галерэя[1] і Rabbit[d][2][3] |
| Краіна | |
| Месцазнаходжанне | Хельсінкі, Фінляндыя |
| Наведвальнікі | 400 079 (2012) |
| Адрас | Kaivokatu 2, 00100 Helsinki[5] |
| Праезд | Kaivokatu, 2 Helsinki |
| ateneum.fi (фін.) | |
 Медыяфайлы на Вікісховішчы | |
Атэнеум (лац.: Atheneum, грэч. Αθήναιον, названы ў гонар старажытнагрэчаскай багіні Афіны) — цэнтральны мастацкі музей Фінляндыі. Знаходзіцца на плошчы Раўтаціентары, насупраць Цэнтральнага вакзала Хельсінкі.
Музей валодае самай вялікай ў Фінляндыі калекцыяй твораў мастацтва, якая налічвае больш за 20 тысяч экспанатаў: карцін, скульптур, графікі і рысункаў пачынаючы з прац 1750-х гадоў і сканчаючы творчасцю мастакоў 1950-х гадоў.
Першапачаткова ў будынку музея размяшчаліся Акадэмія мастацтваў і Універсітэт мастацтваў і дызайну Хельсінкі. Атэнеум разам з комплексамі Кіясма і Мастацкім музеем Сінябрухава ўтварае Фінскую нацыянальную галерэю.
Архітэктура
[правіць | правіць зыходнік]
Будаўніцтва будынка Атэнеума, спраектаванага архітэктарам Карлам Хеерам, было завершана ў 1887 годзе. Над дэкаратыўнай часткай будынка працаваў вядомы фінскі скульптар Карл Шчостранд.
Над галоўным уваходам размешчаны бюсты знакамітых дзеячаў класічнага мастацтва — Доната Брамантэ, Рафаэля і Фідыя. Апошні паверх завяршае франтон, які падтрымліваюць чатыры карыятыды, якія сімвалізуюць чатыры віды мастацтва: скульптуру, архітэктуру, жывапіс і музыку. Надпіс на лацінскай мове «Concordia res parvae crescent» — лац.: «Пры згодзе і малыя дзяржавы растуць»,[6] які ўпрыгожвае франтон, нагадвае пра супярэчнасці, што некалі існавалі паміж заснавальнікамі музея.
Гісторыя
[правіць | правіць зыходнік]
Экспазіцыя Атэнеума была адкрыта для публікі 13 кастрычніка 1888 года ў сувязі з чым гэты дзень адзначаецца як дзень нараджэння музея[7]. На працягу першага тыдня музей наведалі 577 чалавек.
Першапачаткова ў будынку музея знаходзіліся калекцыі Мастацкага таварыства Фінляндыі і дзейнічала школа рысаванне(пазней — Акадэмія выяўленчага мастацтва). Таксама ў будынку размяшчаліся калекцыі Таварыствы мастацкай прамысловасці Фінляндыі і размяшчалася мастацка-прамысловая навучальная ўстанова (пазней — Мастацка-прамысловы інстытут).
Са студзеня 2013 года творы мастацтва ў высокай раздзяляльнасці са збору музея можна будзе пабачыць на сайце Google Art Project.[8]
Калекцыя
[правіць | правіць зыходнік]Пачатак калекцыі паклалі 18 палотнаў, падораныя імператарам Мікалаем II Таварыству мастакоў Фінляндыі. Таксама ў першы год працы музея ў калекцыю паступілі карціны «Ачуньваючая» Хелене Шэрфбек, «Старыя на царкоўнай гары ў Руокалахты» Альберта Эдэльфельта, «Аголеная» і «Першы ўрок» Акселі Гален-Калелы, а таксама «Французскі вінны склеп» Эра Ярнефельта.
Калекцыя
[правіць | правіць зыходнік]Пачатак калекцыі паклалі 18 палотнаў, падораныя імператарам Мікалаем II Таварыству мастакоў Фінляндыі. Таксама ў першы год працы музея ў калекцыю паступілі карціны «Ачуньваючая» Хелене Шэрфбек, «Старыя на царкоўнай гары ў Руокалахты» Альберта Эдэльфельта, «Аголеная» і «Першы ўрок» Акселі Гален-Калелы, а таксама «Французскі вінны склеп» Эра Ярнефельта.
| .jpg)
| 
|
| «Старыя на царкоўнай гары ў Руокалахты» Альберт Эдэльфельт | «Аголеная» Акселі Гален-Калела | «Французскі вінны склеп» Эра Ярнефельт |
Асноўная экспазіцыя размешчана ў залах на трэцім паверсе будынка. У наш час у экспазіцыі музея прадстаўлены карціны такіх майстроў як Франсіска Гоя, Эдгар Дэга, Марк Шагал, Поль Сезан, Вінцэнт ван Гог. Творы рускіх мастакоў Шышкіна, Левітана, Паленава, Рэпіна таксама займаюць годнае месца ў зборы Атэнеума. Аднак большую частка калекцыі займаюць карціны фінскіх мастакоў: Акселі Галена-Калелы, Хуга Сімберга, Пекі Халанена, Альберта Эдэльфельта і інш.
На выстаўцы калекцыі пад назвай FIKUS прадстаўлены мастацкія фонды меншага аб’ёму, якія, аднак, больш глыбок асвятляюць які-небудзь твор, творчасць мастака або тэматыку калекцыі музея. Зменныя экспазіцыі прадстаўлены на ніжнім паверсе, а таксама ў выставачных залах на другім паверсе.[9]
Зноскі
- ↑ Finnish Museum Statistics — Finnish Heritage Agency. Праверана 15 лістапада 2018.
- ↑ https://kartta.hel.fi/paikkatietohakemisto/pth/?id=386 Праверана 17 жніўня 2020.
- ↑ https://kartta.hel.fi/paikkatietohakemisto/pth/?id=273 Праверана 17 жніўня 2020.
- ↑ https://www.kyppi.fi/palveluikkuna/rapea/read/asp/r_kohde_det.aspx?KOHDE_ID=200005
- 1 2 http://www.museot.fi/museohaku/index.php?museo_id=21094 Праверана 30 студзеня 2020.
- ↑ Частка фразы рымскага гісторыка Гая Салюстыя, «Concordia parvae res crescent, discordia maximae dilabintur» — «Пры згодзе і малыя дзяржавы растуць, пры разладах і вялікія разбураюцца»
- ↑ Музею Атэнеум спаўняецца 125 гадоў // Сайт тэлерадыёкампаніі Yleisradio Oy. Novosti po-russki. — 11 кастрычніка 2013.(Праверана 5 верасня 2026)
- ↑ Мастацкі музей Атэнеум далучыцца да праекта Google Art // Сайт тэлерадыёкампаніі Yleisradio Oy. Novosti po-russki. — 17 снежня 2010.(Праверана 5 верасня 2026)
- ↑ Выстаўка майстроў сімвалізму адкрываецца ў Атэнеуме // Сайт тэлерадыёкампаніі Yleisradio Oy. Novosti po-russki. — 15 лістапада 2012.(Праверана 5 верасня 2026)
Спасылкі
[правіць | правіць зыходнік]
На Вікісховішчы ёсць медыяфайлы па тэме Атэнеум
| Фота, відэа і аўдыё | |||||
|---|---|---|---|---|---|
| Слоўнікі і энцыклапедыі | |||||
| |||||
