Аўн Сан Су Чжы

З пляцоўкі Вікіпедыя
(Пасля перасылкі з Аун Сан Су Чжы)
Перайсці да: рух, знайсці
До Аўн Сан Су Чжы
бірм.: အောင်ဆန်းစုကြည်
Фатаграфія
Дата нараджэння:

19 чэрвеня 1945(1945-06-19) (70 гадоў)

Месца нараджэння:

Рангун, Брытанская Бірма

Грамадзянства:

Сцяг М'янмы М'янма

Адукацыя:

вышэйшая

Навуковая ступень:

доктар філасофіі

Нацыянальнасць:

бірманка

Веравызнанне:

будызм (Тхеравада)

Партыя:

Нацыянальная ліга за дэмакратыю

Род дзейнасці:

палітычны дзеяч

Бацька:

Аўн Сан

Маці:

Кхі Чжы

Узнагароды:

Нобелеўская прэмія — 1991 Нобелеўская прэмія міру

Прэзідэнцкі медаль Свабоды
Кампаньён ордэна Аўстраліі

Аўн Сан Су Чжы́ (бірм.: အောင်ဆန်းစုကြည်, англ.: Aung San Suu Kyi; нар. 19 чэрвеня 1945, Рангун, Бірма, зараз Янгон, М'янма) — бірманскі палітычны дзеяч, лаўрэат Нобелеўскай прэміі міру (1991).

Біяграфічныя звесткі[правіць | правіць зыходнік]

Дачка лідара руху за незалежнасць Бірмы Аўн Сана, забітага ў 1947 годзе. Аўн Сан Су Чжы пакінула Бірму ў 1960 годзе, скончыла Оксфардскі ўніверсітэт, жыла ў Англіі.

У 1972 годзе выйшла замуж за тыбетолага Міхаэля Эйрыса. У іх нарадзілася двое сыноў.

У 1988 годзе вярнулася ў Бірму. У верасні 1988 года стала адным з лідараў апазыцыйнай Нацыянальнай лігі за дэмакратыю. На выбарах у маі 1990 года НЛД атрымала больш за 80 % месцаў у парламенце М'янмы, аднак кіруючы рэжым ігнараваў вынікі выбараў.

Лаўрэат прэміі памяці прафесара Торолфа рафт (1990). У кастрычніку 1991 года Аўн Сан Су Чжы стала лаўрэатам Нобелеўскай прэміі міру, аднак улады не дазволілі ёй выехаць за мяжу, каб атрымаць узнагароду. З 1989 па 1995 і з 2000 па 2002 знаходзілася пад хатнім арыштам. У траўні 2003 года зноў была арыштаваная, пазней змешчаная пад хатні арышт, які падоўжыўся на гэты раз да 13 лістапада 2010 года. Увогуле яна правяла ў турме і пад хатнім арыштам каля 15 гадоў[1]. У 2008 годзе ўзнагароджана найвышэйшай узнагародай ЗША — Залатым медалём Кангрэса.

У лістападзе 2015 года на ўсеагульных выбарах у М'янме апазіцыйная партыя Нацыянальная ліга за дэмакратыю на чале з Аўн Сан Су Чжы набрала амаль 90 % галасоў выбаршчыкаў. Яна заявіла, што ў партыі будзе дастаткова галасоў, каб сфармаваць першы ў гісторыі краіны дэмакратычны ўрад[2]. Паводле канстытуцыі краіны, Аўн Сан Су Чжы не можа заняць пасаду прэзідэнта, таму што яе муж — брытанец, а ў сыноў замежныя пашпарты.

Аўн Сан Су Чжы прысвечана песня Walk On групы U2.

Зноскі

Спасылкі[правіць | правіць зыходнік]