Перайсці да зместу

Афгана-пакістанская вайна (2026)

З Вікіпедыі, свабоднай энцыклапедыі
Афгана-пакістанская вайна (2026)
Дата з 21 лютага 2026
Статус канфлікт працягваецца
Праціўнікі
 Афганістан
Тэхрык-е Талібан Пакістан 		 Пакістан

Афгана-пакістанская вайна — узброенае супрацьстаянне паміж Афганістанам і Пакістанам, выкліканае авіяўдарамі пакістанскіх ВПС па афганскіх правінцыях 21 лютага 2026 года. У адказ афганскія сілы 26 лютага пачалі ваенную аперацыю супраць суседняй краіны. 27 лютага Пакістан афіцыйна абвясціў аб адкрытай вайне з Афганістанам.

Перадгісторыя

[правіць | правіць зыходнік]

У пачатку 2026 года сітуацыя ў сферы бяспекі ў Пакістане рэзка абвастрылася. 6 лютага ў шыіцкай мячэці ў Ісламабадзе тэрарыст-смяротнік прывёў у дзеянне выбуховае прыстасаванне падчас пятнічнай малітвы. У выніку тэракту загінулі не менш за 36 чалавек і каля 170 атрымалі раненні[1].

Праз некалькі дзён, 19 лютага, начынены выбухоўкай аўтамабіль пратараніў кантрольна-прапускны пункт у раёне Баджаур у правінцыі Хайбер-Пахтунхва. Ахвярамі атакі сталі 11 вайскоўцаў і адно дзіця. Пакістанскія ўлады заявілі, што нападнік меў афганскае грамадзянства, пасля чаго Міністэрства замежных спраў Пакістана ўручыла ноту пратэсту ўладам суседняй краіны, выклікаўшы часовага паверанага ў справах афганскай дыпмісіі ў Ісламабадзе[2].

21 лютага тэрарыст-смяротнік атакаваў вайсковую калону ў раёне Бану ў правінцыі Хайбер-Пахтунхва, у выніку чаго загінулі двое вайскоўцаў, уключаючы падпалкоўніка. Пакістанскае кіраўніцтва ўскладала адказнасць за падобныя атакі на рух «Тэхрык-е Талібан Пакістан» (ТТП), сцвярджаючы, што яго лідары і баевікі знаходзяць прытулак на афганскай тэрыторыі[3].

Ход канфлікту

[правіць | правіць зыходнік]

Люты

[правіць | правіць зыходнік]

У ноч з 21 на 22 лютага 2026 года Ваенна-паветраныя сілы Пакістана нанеслі серыю авіяўдараў па тэрыторыі Афганістана. Мэтамі сталі раёны ва ўсходніх правінцыях Нангархар і Пактыка. Удары былі нанесеныя ў дні святога для мусульман месяца Рамадан[4][5].

Афіцыйны Ісламабад заявіў, што атакі былі накіраваныя на знішчэнне лагераў і сховішчаў баевікоў ТТП. Паводле звестак пакістанскіх вайскоўцаў, у выніку ўдараў па сямі аб’ектах уздоўж мяжы былі ліквідаваныя не менш за 80 баевікоў[6].

Улады Афганістана адхілілі абвінавачвання Пакістана ў падтрымцы баевікоў. У Міністэрстве абароны краіны заявілі, што бамбёжкам падвергліся не ваенныя лагеры, а грамадзянскія аб’екты[7][8]. Прэс-сакратар Вярхоўнага лідара Афганістана Забіула Маджахед паведаміў пра дзясяткі загінулых і параненых сярод мірнага насельніцтва, уключаючы жанчын і дзяцей. Паводле звестак Міністэрства асветы, пад руінамі медрэсэ загінулі пяць вучняў[4]. Афганскія крыніцы паведамлялі, што толькі ў правінцыі Нангархар ахвярамі сталі не менш за 17 чалавек[9].

Увечары 26 лютага Узброеныя сілы Афганістана пачалі ваенную аперацыю супраць Пакістана[4][10]. Аперацыя пачалася а 20:00 паводле мясцовага часу з некалькіх кірункаў уздоўж так званай лініі Дзюранда — у правінцыях Хост, Пактыя, Нурыстан, а таксама ў Нангархары і Кунары[4][11].

У першыя гадзіны аперацыі афганскім сілам удалося захапіць некалькі пакістанскіх пагранічных пастоў. Прадстаўнік армейскага корпуса паведаміў аб трох захопленых пастах праціўніка[4]. Іншыя крыніцы інфармавалі пра восем захопленых умацаваннях, у прыватнасці ў раёне Гарата, правінцыі Нангархар і правінцыі Кунар[12][13].

27 лютага пакістанцы разбамбілі Кабул. Мінабароны Пакістана заявіла, што паміж краінамі пачалася «адкрытая вайна»[14][15].

Сакавік

[правіць | правіць зыходнік]

1 сакавіка пакістанцы зноў бамбілі Кабул[16], а афганцы — правінцыі Хайбер-Пахтунхва і Белуджыстан[17]. Тым часам у выніку сутыкненняў у прыгранічных раёнах правінцый Нангархар, Пактыя, Хост і Кандагар, паводле афганскіх даных, загінулі 32 пакістанскія салдаты і дзясяткі атрымалі раненні[18]. На наступны дзень пакістанская авіяцыя ўзмацніла ўдары па тэрыторыі праціўніка: былі атакаваныя Кабул[19], правінцыі Нангархар, Панджэр, Капіса[20]. Знішчаны склады боепрыпасаў у Джалалабадзе і Хосце[21].

3 сакавіка паветраным нападам падвергліся Кабул, Панджэр, Бадахшан, Герат, Капіса[22], Нурыстан[23]. У той жа дзень прадстаўнік афганскага ўрада заявіў, што за апошнія 24 гадзіны іх сілы атакавалі варожыя памежныя пасты ўздоўж правінцый Кандагар, Нангархар, Кунар, Нурыстан, Хост і Пактыка[24]. Паводле заяў Пакістана, былі атакаваныя 53 пагранпасты[25][26].

4 сакавіка пакістанская артылерыя ўдарыла па раёну Хас-Кунар у правінцыі Кунар[27][28]. На наступны дзень пакістанская авіяцыя знішчыла штаб 205-й брыгады УС Афганістана[29][30].

13 сакавіка Пакістан падвергнуў чарговым бамбардзіроўкам горад Кабул, былі абстраляныя раёны ў правінцыях Кандагар, Пактыка і Пактыя. Паводле заявы прэс-сакратара Вярхоўнага лідара Афганістана Забіулы Муджахіда, у выніку абстрэлаў загінулі жанчыны і дзеці[31]. Пакістан нанёс удар па рэзервуары з палівам авіякампаніі Kam Air побач з аэрапортам Кандагар[32]. Афганістан ударыў беспілотнікам па 28-м блоку жылога комплексу для афіцэраў кампуса «Хамза» ў Ісламабадзе, што прывяло да шматлікіх ахвяр сярод пакістанскіх вайскоўцаў, і па ваеннай базе арміі Пакістана ў горадзе Кохат, правінцыі Хайбер-Пахтунхва[33].

15 сакавіка Ваенна-паветраныя сілы Афганістана нанеслі ўдар па варожай базе ў горадзе Вана[34].

16 сакавіка Пакістан падвергнуў мінамётнаму абстрэлу вёску Нарай раёна Гурбуз, рынак і цэнтральную клініку ў вёсцы Атахейль раёна Джаджы-Майдан і раён Спера ў правінцыі Хост[35], нанёс удар беспілотнікамі па горадзе Кабул[36], у тым ліку па рэабілітацыйным цэнтры. Больш за 250 чалавек загінулі і больш за 400 атрымалі раненні[37].

18 сакавіка года па просьбе Саудаўскай Аравіі, Катара і Турцыі бакі часова прыпыняюць ваенныя аперацыі на час свята Ід аль-Фітр. 19 сакавіка Афганістан заявіў, што Пакістан парушыў перамір’е, абстраляўшы правінцыю Кунар[38]. Пакістан гэта абверг[39].

24 сакавіка ў 00:00 перамір’е афіцыйна скончылася, і ВПС Пакістана пачалі наносіць новыя ўдары на тэрыторыі Афганістана[40].

Крыніцы

[правіць | правіць зыходнік]
  1. ↑ Hussain, Abid. Afghanistan bombing: What’s Pakistan’s strategy as India-Taliban ties grow? (англ.). Al Jazeera. Праверана 26 лютага 2026.
  2. ↑ Hussain, Abid. Afghanistan bombing: What’s Pakistan’s strategy as India-Taliban ties grow? (англ.). Al Jazeera. Праверана 26 лютага 2026.
  3. ↑ Hussain, Abid. Afghanistan bombing: What’s Pakistan’s strategy as India-Taliban ties grow? (англ.). Al Jazeera. Праверана 26 лютага 2026.
  4. ↑ а б в г д Афганистан заявил о начале операции возмездия против Пакистана (руск.). ria.ru (26 лютага 2026).
  5. ↑ tengrinews.kz. Афганистан начал операцию возмездия против Пакистана (руск.). Главные новости Казахстана - Tengrinews.kz (26 лютага 2026). Праверана 26 лютага 2026.
  6. ↑ Афганистан начал операцию против Пакистана (руск.). РБК (26 лютага 2026). Праверана 26 лютага 2026.
  7. ↑ Афганистан начал операцию против Пакистана (руск.). РБК (26 лютага 2026). Праверана 26 лютага 2026.
  8. ↑ tengrinews.kz. Афганистан начал операцию возмездия против Пакистана (руск.). Главные новости Казахстана - Tengrinews.kz (26 лютага 2026). Праверана 26 лютага 2026.
  9. ↑ Афганистан начал операцию против Пакистана (руск.). РБК (26 лютага 2026). Праверана 26 лютага 2026.
  10. ↑ tengrinews.kz. Афганистан начал операцию возмездия против Пакистана (руск.). Главные новости Казахстана - Tengrinews.kz (26 лютага 2026). Праверана 26 лютага 2026.
  11. ↑ Афганистан начал операцию против Пакистана (руск.). РБК (26 лютага 2026). Праверана 26 лютага 2026.
  12. ↑ Афганистан начал операцию против Пакистана (руск.). РБК (26 лютага 2026). Праверана 26 лютага 2026.
  13. ↑ tengrinews.kz. Афганистан начал операцию возмездия против Пакистана (руск.). Главные новости Казахстана - Tengrinews.kz (26 лютага 2026). Праверана 26 лютага 2026.
  14. ↑ Кииков, Жуман. Пакистан объявил открытую войну Афганистану (руск.). Kursiv Media Казахстан (27 лютага 2026). Праверана 27 лютага 2026.
  15. ↑ Пакистан объявил о начале войне с талибами: авиаудары по Кабулу и Кандагару, ответ Афганистана, десятки погибших. Газета.Ru (27 лютага 2026). Праверана 27 лютага 2026.
  16. ↑ Mohammadi, Habib (1 March 2026). Heavy gunfire erupts in central Kabul early Sunday. Amu TV.
  17. ↑ Reports of Afghan Taliban strikes on Pakistan's military sites false: information ministry. Dawn(англ.). 2 March 2026.
  18. ↑ طالبان می‌گوید ۳۲ سرباز دیگر پاکستانی را کشته است. Afghanistan International(перс.). 1 March 2026.
  19. ↑ Taliban Confirms New Pakistani Airstrikes On Kabul. Afghanistan International(англ.). 2 March 2026.
  20. ↑ شنیده شدن صدای هواپیما، شلیک و انفجار برای سومین شب پیاپی در پنجشیر و کاپیسا. Afghanistan International(перс.). 2 March 2026.
  21. ↑ Yawar, Mohammad Yunus. Pakistan, Afghanistan show no signs of stepping back as fighting enters fifth day. Reuters (2 сакавіка 2026). Праверана 2 March 2026.
  22. ↑ صدای هواپیما، انفجار و شلیک در چند ولایت. Afghanistan International(перс.). 3 March 2026.
  23. ↑ طالبان از ورود «هواپیماهای بی‌سرنشین پاکستانی» در خوست خبر داد. www.afintl.com(перс.). 3 March 2026.
  24. ↑ طالبان می‌گوید تاکنون بیش از «۱۵۰ نیروی پاکستانی» را کشته است. Afghanistan International(перс.). 3 March 2026.
  25. ↑ پاکستان درگیری با طالبان در ۵۳ نقطه مرزی در بلوچستان و خیبرپختونخوا را تایید کرد. Afghanistan International(перс.). 3 March 2026.
  26. ↑ Pakistan says its forces killed 67 Afghan troops in cross-border clashes. Kabul rejects the claim. AP News. Архівавана з першакрыніцы 3 March 2026. Праверана 3 March 2026.
  27. ↑ Mohammad. NRC: Three Killed in Pakistan Missile Strike on Earthquake-Affected Camp in Kunar (англ.). Hasht-e Subh (4 сакавіка 2026). Праверана 4 March 2026.
  28. ↑ Three children killed in Pakistani airstrike on Kunar province. Ariana News. Праверана 4 March 2026.
  29. ↑ Operation Ghazab-Lil-Haq to continue until Taliban end terror support: Security sources (англ.). The Express Tribune (5 сакавіка 2026). Праверана 5 сакавіка 2026.
  30. ↑ Pakistan Army continuing action against Afghan Taliban, Fitna Al Khawarij. Radio Pakistan (5 сакавіка 2026). Праверана 5 March 2026.
  31. ↑ Власти Афганистана сообщили об обстреле со стороны Пакистана.
  32. ↑ Афганистан обвинил Пакистан в ударах по резервуарам с топливом в Кандагаре.
  33. ↑ Афганский БПЛА ударил по военному объекту в столице Пакистана.
  34. ↑ Афганистан заявил об ударе по военной базе в пакистанском городе Вана.
  35. ↑ Пакистанские военные обстреляли три уезда в Афганистане.
  36. ↑ Пакистанские беспилотники ударили по Кабулу, есть жертвы.
  37. ↑ В результате ударов Пакистана по Кабулу погибли 250 человек.
  38. ↑ Пакистан нарушил перемирие с Афганистаном, пишут СМИ.
  39. ↑ Пакистан опроверг заявления о нарушении перемирия с Афганистаном.
  40. ↑ Срок перемирия между Пакистаном и Афганистаном завершился (руск.). Day.Az (23 сакавіка 2026). Праверана 24 сакавіка 2026.
Узята з "https://be.wikipedia.org/w/index.php?title=Афгана-пакістанская_вайна_(2026)&oldid=5120549"