Аўген Кавалеўскі

З пляцоўкі Вікіпедыя
Jump to navigation Jump to search
Аўген Кавалеўскі
Асабістыя звесткі
Дата нараджэння: 7 студзеня 1921(1921-01-07)
Месца нараджэння: Масква
Дата смерці: 13 жніўня 1963(1963-08-13) (42 гады)
Месца смерці:
Прафесійная дзейнасць
Род дзейнасці: драматург, тэатральны дзеяч, публіцыст, празаік

Аўген Кавалеўскі (7 студзеня 1921, Масква13 жніўня 1963, Парыж) — беларускі тэатральны дзеяч, драматург.

Біяграфія[правіць | правіць зыходнік]

Бацькі Аўгена неўзабаве пасля яго нараджэння вярнуліся ў Мінск. Выхоўваўся ў дзіцячым садку, дзе выхавацелькай была Уладзіслава Луцэвіч[1], жонка Янкі Купалы. У 1930-х яго бацька быў рэпрэсаваны. Скончыў сярэднюю школу №45 г. Мінску. Яшчэ ў школьныя гады браў удзел у дзіцячых пастаноўках Тэатра юнага гледача. Пазней, па рэкамендацыі Еўсцігнея Міровіча накіраваўся ў школу пры Беларускім дзяржаўным драматычным тэатры.

У 1944 годзе з'ехаў з Беларусі ў Германію. Жыў у лагерах ДП у Рэгенсбургу, Міхельсдорфе, Остэрхофене. Заснаваў з прафесійных акцёраў на эміграцыі ансамбль песні і танца «Жыве Беларусь!», пазней ператвораны ў Тэатр эстрады, які ездзіў з гастролямі па розных ДП лагерах. У 1947 у Міхельсдорфе выдаў «Кароткі курс навучання акцёра».

Пісаў таксама апавяданні, фельетоны і п'есы, якія публікаваліся як на старонках эміграцыйных часопісаў «Сакавік», «Моладзь», «Напагатове» і інш., гэтак і выходзілі асобнымі выданнямі «Вясновы жук» (Амберг—Рэгенсбург, 1946), «Лекар мімаволі» (Рэгенсбург, 1946), «Ліхадзейка» (Міхельсдорф, 1946), «Шапка няўгледка» (Міхельсдорф, 1947), «Блакітная Вілія» (Остэрхофен, 1948), «Госці з Тунісу» (Міхельсдорф, 1948), «Случчакі» (Парыж, 1949).

У 1949 годзе перабраўся ў Францыю, дзе быў вымушаны працаваць у парыжскай кравецкай майстэрні. На пачатку 1950-х гг. быў сакратаром і кіраўніком аддзелу культуры Галоўнай управы Беларускай незалежніцкай арганізацыі моладзі ў Францыі.

27 лістапада 1955 года ў залы Salle Iena ў Парыжы адбылася прэм'ера спектакля па драме Аўгена Кавалеўскага «Асуджаныя». Ён сам паставіў гэты спектакль і выконваў у ім адну з галоўных роляў. Пастаноўка выклікала вялікі рэзананс у французскай сталіцы[1].

Памёр у 1963 г. у Парыжы (або Руане, паводле М. Панькова).

Зноскі

Літаратура[правіць | правіць зыходнік]

  • Лявон Юрэвіч Кавалеўскі Аўген // Літаратурны рух на эміграцыі. — Мінск: БГА, 2002.

Спасылкі[правіць | правіць зыходнік]