Аўтаматычны грузавы карабель

Набліжэнне АГК «Жуль Верн» да Міжнароднай касмічнай станцыі 31 сакавіка 2008 года.

ATV (скар. ад англ.: Automated Transfer Vehicle — «аўтаматычны [груза]перанослы транспартны сродак») — аўтаматычны грузавы касмічны карабель (АГК), распрацаваны ЕКА. Карабель прызначаны для дастаўкі паліва, навуковага абсталявання, прадуктаў, паветра і вады на Міжнародную касмічную станцыю (МКС). Акрамя таго, з дапамогай рухавікоў АГК ажыццяўляецца карэкцыя арбіты МКС. АГК прызначаны таксама для ачышчэння МКС ад адпрацаваных матэрыялаў і смецця. Гэта самы складаны касмічны карабель, які калі-небудзь ствараўся еўрапейскімі краінамі.

Першы аўтаматычны грузавы касмічны карабель адправіўся ў палёт да МКС 9 сакавіка 2008 года. У далейшым мяркуецца запускаць адзін карабель кожныя 13—15 месяцаў.

Гл. таксама

Аўтаматычныя непілатуемыя грузавыя касмічныя караблі:

• Прагрэс — Расійскі
• Спейс шатл — Амерыканскі (праграма закрыта)
• H-II Transfer Vehicle — Японскі

Літаратура

• Ларыёнаў У. С. Тра́нспартны карабе́ль касмічны // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 510. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• На Вікісховішчы ёсць медыяфайлы па тэме Аўтаматычны грузавы карабель

• ЦКП Федэральнага касмічнага агенцтва: ATV Архівавана 15 лістапада 2009.
• Station-bound freighter poised for critical practices Архівавана 29 лютага 2012.  (англ.)
• Jules Verne practices close approach to space station  (англ.)
• Europe’s new cargo freighter safely docks to space station  (англ.)
• Аўтаматычны транспартны карабель ATV