Аўтаномная Рэспубліка Абхазія
|
|||
| Краіна | |||
|---|---|---|---|
| Статус | |||
| Уваходзіць у | |||
| Уключае |
6 муніцыпалітэтаў |
||
| Адміністрацыйны цэнтр | |||
| Найбуйнейшыя гарады | |||
| Старшыня Кабінета Міністраў |
|||
| Старшыня Вярхоўнага Савета |
|||
| Афіцыйныя мовы | |||
| Плошча |
8 665 км² |
||
|
|
|||
|
|
|||
| Часавы пояс |
+4 |
||
| Тэлефонны код |
44 |
||
| Афіцыйны сайт | |||
.svg)
.svg)
Аўтано́мная Рэспу́бліка Абха́зія (груз. აფხაზეთის ავტონომიური რესპუბლიკა) — адміністрацыйная адзінка ў Грузіі, тэрыторыя якой кантралюецца часткова прызнанай Рэспублікай Абхазія пры падтрымцы расійскіх войскаў. Паводле Канстытуцыі Грузіі Абхазія ўваходзіць у склад Грузіі як аўтаномная рэспубліка, а яе легітымны ўрад у наш час знаходзіцца ў выгнанні. З 2006 па 2008 гады ўрад Аўтаномнай Рэспублікі Абхазія размяшчаўся на тэрыторыі Абхазіі ў кантралюемым у той час Грузіяй сяле Чхалта.
Гісторыя[правіць | правіць зыходнік]
З другой паловы XVI—XVII стагоддзяў узмацнілася залежнасць Абхазіі ад Асманскай імперыі, якая пабудавала шэраг крэпасцей, у тым ліку Сухум-Кале (будучы Сухумі). З канца XVIII стагоддзя абхазскія князі шукалі выратавання ад асманскага прыгнёту, і знайшлі яго пад заступніцтвам Расіі. Просьба была здаволена: 17 (29) лютага 1810 года выйшаў Маніфест Аляксандра I аб далучэнні Абхазскага княства да Расійскай Імперыі, якая фактычна не ўмешвалася ў мясцовы ўклад жыцця. У 1864 годзе на тэрыторыі скасаванага Абхазскага княства была створана Сухумская акруга ў рамках адміністрацыйнага падзелу Расійскай Імперыі (спачатку як Сухумскі ваенны аддзел). У 1918-21 гадах Абхазія ўваходзіць у склад Грузінскай Дэмакратычнай Рэспублікі. 4 сакавіка 1921 года была створана Савецкая Сацыялістычная Рэспубліка Абхазія, якая з 16 снежня 1921 года была звязана саюзным дагаворам з Грузінскай ССР. У 1931 годзе ССР Абхазія была ператворана ў Абхазскую АССР у складзе ГССР. Пасля абвяшчэння незалежнасці Грузіі (у рамках адміністрацыйнага падзелу Грузіі) яна называецца Абхазскай Аўтаномнай Рэспублікай. Пасля канфлікту 1992—1993 гадоў фактычна кіруецца самаабвешчаным рэжымам Рэспублікі Абхазія.
У 1992 годзе пасля ўсталявання Грузіяй у пачатку грузіна-абхазскага канфлікту кантролю над часткай Абхазіі ў Сухумі быў размешчаны прагрузінскі Кабінет Міністраў Абхазіі. 27 верасня 1993 года Кабінет Міністраў пакінуў горад, які да таго моманту ўжо амаль цалкам перайшоў пад кантроль узброеных сіл Абхазіі, і размясціўся ў Тбілісі, дзе функцыянуе як Урад Аўтаномнай Рэспублікі Абхазія ў выгнанні на працягу 17 гадоў[1][2][3].
У 2006 годзе Грузія ўвяла войскі ў Кадорскую цясніну, размешчаную на тэрыторыі Абхазіі. Афіцыйнай прычынай была названа неабходнасць правядзення аперацыі, накіраванай супраць Эмзара Квіцыяні, які да прыходу да ўлады Міхаіла Саакашвілі быў паўнамоцным прадстаўніком грузінскага ўрада ў Кадорскай цясніне. 27 ліпеня 2006 года верхняя частка Кадорскай цясніны была афіцыйна пераназвана грузінскімі ўладамі ў Верхнюю Абхазію, а прагрузінскі ўрад Абхазіі на чале з абраным 24 красавіка 2006 года на гэту пасаду Малхазам Акішбаем быў размешчаны ў сяле Чхалта[2][4][5][6].
Падчас ўзброенага канфлікту ў жніўні 2008 года Узброеныя сілы Абхазіі правялі аперацыю па выцясненні грузінскіх сіл па-за межы Абхазіі, падчас якой усталявалі кантроль над Кадорскай цяснінай і тым самым здабылі поўны кантроль над усёй тэрыторыяй Абхазіі[7][8].
Адміністрацыйны падзел[правіць | правіць зыходнік]
Сталіцай Аўтаномнай Рэспублікі Абхазіі з'яўляецца Сухумі. З 1993 па 2006 гады і пачынаючы з 2008 года штаб-кватэра ўрада Абхазіі ў выгнанні размяшчаецца ў Тбілісі, з 2006 па 2008 гады размяшчалася ў сяле Чхалта.
Адміністрацыйна Аўтаномная Рэспубліка Абхазія падзяляецца на 6 муніцыпалітэтаў:
- Гаграўскі муніцыпалітэт, цэнтр — Гагра
- Гудауцкі муніцыпалітэт, цэнтр — Гудаута
- Сухумскі муніцыпалітэт, цэнтр — Сухумі
- Гульрыпшскі муніцыпалітэт, цэнтр — Гульрыпш
- Ачамчырскі муніцыпалітэт, цэнтр — Ачамчыра
- Гальскі муніцыпалітэт, цэнтр — Галі
Кіраўнікі ўрада[правіць | правіць зыходнік]
| Тэрмін паўнамоцтваў | Кіраўнік урада | Фота | Гады жыцця | Каментарыі |
|---|---|---|---|---|
| верасень 1993 — 16 сакавіка 2004 | Тамаз Нарадэйшвілі(англ.) бел. | 1954—2004 | ||
| 16 сакавіка 2004 — 30 верасня 2004 | Лондэр Цаава(англ.) бел. | |||
| 30 верасня 2004 — 24 красавіка 2006 | Іраклій Аласанія |  |
1973— | |
| 24 красавіка 2006 — 11 чэрвеня 2009 | Малхаз Акішбая |  |
1972— | |
| 11 чэрвеня 2009 — 5 красавіка 2013 | Георгій Барамія |  |
1966— | |
| З 8 красавіка 2013 | Вахтанг Калбая |  |
1952— | |
Дзеючы склад[правіць | правіць зыходнік]
| Пасада | імя | партыя | заняў пасаду |
|---|---|---|---|
| Старшыня Кабінета Міністраў | Вахтанг Калбая | ? | 8 красавіка 2013 |
| Старшыня Вярхоўнага Савета | Тэмур Мжавія (англ.) | Абхазеці | чэрвень 2006 |
Зноскі[правіць | правіць зыходнік]
- ↑ Маршанія Лорык Вісарыёнавіч Праўда пра трагедыю Абхазіі.
- ↑ 2,0 2,1 Урад Абхазіі ў выгнанні вырашыў зімаваць у Кадорскай цясніне
- ↑ Сёння споўнілася 15 гадоў з дня вызвалення сталіцы Рэспублікі Абхазія Сухумі ад войскаў Дзяржрады Грузіі
- ↑ Саакашвілі: У Абхазію вяртаецца легітымны ўрад
- ↑ Кадоры становіцца «часовым адміністрацыйным цэнтрам» Абхазіі
- ↑ Поўны тэкст выступлення прэзідэнта М. Саакашвілі ў Кадорскай цясніне
- ↑ Абхазія ачысціла Кадорскую цясніну ад грузінскіх войскаў
- ↑ Сяргей Багапш: Усталявана юрысдыкцыя Абхазіі ў верхняй частцы Кадорскай цясніны
Спасылкі[правіць | правіць зыходнік]
|
|||||||||||||||||
