Алена Аляксееўна Саламаха

Алена Аляксееўна Саламаха
Дата нараджэння	9 чэрвеня 1939(1939-06-09) (84 гады)
Месца нараджэння	Архангельск, Архангельская вобласць, РСФСР, СССР
Грамадзянства	СССР  Беларусь
Род дзейнасці	музыказнавец
Месца працы	Першы Нацыянальны канал Беларускага радыё Беларуская Энцыклапедыя імя Петруся Броўкі БСТД Нацыянальны акадэмічны Вялікі тэатр оперы і балета Рэспублікі Беларусь
Альма-матар	Беларуская дзяржаўная кансерваторыя імя А. В. Луначарскага (1961)
Член у	БСТД

Алена Аляксееўна Салама́ха (нар. 9 чэрвеня 1939, Архангельск, РСФСР) — беларускі музыказнавец.

Біяграфія

Скончыла ў 1961 годзе Беларускую кансерваторыю. Працавала ў 1964—1967 гадах на Беларускім радыё, у 1967—1984 гадах у выдавецтве «Беларуская Савецкая Энцыклапедыя», у 1988—1991 гадах у апараце Саюза тэатральных дзеячаў Беларусі. У 1984—1988 і 1991—1996 гадах — загадчык літаратурнай часткі Дзяржаўнага тэатра оперы і балета, у 1996—2000 гадах — Нацыянальнага акадэмічнага тэатра оперы Беларусі. Адзін з арганізатараў (1984) Клуба сяброў оперы.

Член Беларускага саюза тэатральных дзеячаў з 1986 года.

Навуковая дзейнасць

Большасць публікацый звязана з оперным мастацтвам. Сцэнарыст дакументальных фільмаў «Голас» пра М. Грыгорчыка (1994) і «Опера» пра А. Саўчанку (1996).

Творы

• В согласии с Брехтом, в полемике с ним… // Советская музыка. 1984. № 4;
• Суждено ли растопить лед равнодушия? (з Н. Юдзеніч) // Там жа. 1988. № 12;
• В студии — только дети // Там жа. 1991. № 8;
• З іспанскага дзённіка // Мастацтва. 1994. № 5.

Літаратура

• Сівалобчык Л. А. Саламаха Алена Аляксееўна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

Спасылкі

• Саламаха Алена Аляксееўна на сайце анлайн-энцыклапедыі «Беларусь у асобах і падзеях»