Бабруйскі дзяржаўны аўтатранспартны каледж

З пляцоўкі Вікіпедыя
Jump to navigation Jump to search
Бабруйскі дзяржаўны аўтатранспартны каледж
Арыгінальная назва Мінскі аўтатранспартны тэхнікум, Бабруйскі аўтатранспартны тэхнікум
Год заснавання 1930
Тып каледж
Размяшчэнне Бабруйск

Бабруйскі дзяржаўны аўтатранспартны каледж — сярэдняя спецыяльная навучальная ўстанова ў Бабруйску. З’яўляецца філіялам БНТУ.

Гісторыя[правіць | правіць зыходнік]

У адпаведнасці з пастановай Савета Народных Камісараў Беларускай ССР ў 1930 годзе быў створаны Мінскі аўтатранспартны тэхнікум. У першы год да заняткаў прыступілі 60 навучэнцаў. У даваенны перыяд тэхнікум знаходзіўся ў Мінску па вуліцы Камсамольскай і рыхтаваў спецыялістаў па эксплуатацыі аўтатранспарту. Але вайна перапыніла вучобу. Выпускнікі, навучэнцы і выкладчыкі былі адпраўленыя на фронт.

Пасля вызвалення Беларусі па пастанове Савета Народных Камісараў Беларускай ССР № 934 у 1945 годзе дзейнасць Мінскага аўтатранспартнага тэхнікума была адноўлена ў горадзе Бабруйску. У снежні 1948 года навучальная ўстанова была перайменавана ў Бабруйскі аўтатранспартны тэхнікум. У 1949 годзе адбыўся першы выпуск маладых спецыялістаў. Большасць з іх было накіравана на працу на Мінскі аўтамабільны і трактарны заводы.

У кастрычніку 1952 года было адкрыта завочнае аддзяленне, а ў лютым 1962 года курсы павышэння кваліфікацыі інжынерна-тэхнічных работнікаў аўтатранспарту.

Загадам Міністэрства адукацыі Рэспублікі Беларусь ад 17 чэрвеня 1999 года тэхнікум пераўтвораны ў Бабруйскі дзяржаўны аўтатранспартны каледж.[1]

Спецыяльнасці[правіць | правіць зыходнік]

Каледж праводзіць навучанне па наступных спецыяльнасцях сярэдняй спецыяльнай адукацыі[2]:

  • Тэхнічная эксплуатацыя аўтамабіляў (вытворчая дзейнасць)
  • Аўтасэрвіс
  • Арганізацыя перавозак і кіраванне на аўтамабільным і гарадскім транспарце
  • Бухгалтарскі ўлік, аналіз і кантроль

Зноскі