Багавіцінавічы

Багавіцінавічы
Краіна паходжання	Вялікае Княства Літоўскае
Першы з роду	Багавіцін

Багавіцінавічы або Багавіціны — шляхецкі род герба «Корчак» у Вялікім Княстве Літоўскім.

Найбольш вядомыя:

• Багавіцін (?—?), заснавальнік роду. Упершыню згадваецца ў 1431 годзе сярод прыхільнікаў вялікага князя літоўскага Свідрыгайлы, магчыма, служыў яму і ў 1440-я гады. Меў сыноў Льва, Богуша і Пятра.

• Леў (?—?), пісар каралеўскі (1481), ключнік берасцейскі (1487), чашнік літоўскі (1501), намеснік крамянецкі (1502). Галіна Льва скончылася на яго сынах Іване, Багдане і Багавіціне ў 1520-я гады
• Богуш (?—?), пісар каралеўскі (1500). Меў сыноў Богуша, Міхала, Воіна, Яна.
• Ганна (?—?), жонка падскарбія земскага Андрэя Аляксандравіча.

• Міхайла (?—1530), пісар літоўскі (1508), намеснік жыжморскі, слонімскі і крамянецкі, маршалак літоўскі (1511), падскарбі земскі (1520).
• Ян (?—1551), староста карнялаўскі (1527), драгіцкі (1542), крамянецкі (1548), маршалак каралеўскі (1546).

У дакументах 16 ст. згадваецца каля 20 прадстаўнікоў роду Багавіцінаў, якія займалі розныя павятовыя пасады ў Берасцейскім і Валынскім ваяводствах, у тым ліку Вацлаў, пасол соймавы (1589), Андрэй, стольнік валынскі (1596), Міхаіл, маршалак берасцейскі і інш.

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).