Багушэўская партызанская брыгада (1-га складу)
| Багушэўская партызанская брыгада | |
|---|---|
| Гады існавання | 1942—1943 |
| Краіна |
 Беларуская ССР |
| Падпарадкаванне | Беларускі штаб партызанскага руху |
| Тып | партызаны |
| Функцыя | барацьба з нямецкімі акупацыйнымі ўладамі |
| Колькасць | 125 партызан (9.3.1943) |
| Дыслакацыя | Багушэўскі , Аршанскі, Гарадоцкі раёны |
| Войны | Вялікая Айчынная вайна |
| Камандзіры | |
| Вядомыя камандзіры |
|
Багушэўская партызанская брыгада — партызанская брыгада, створаная ў чэрвені 1943 года. Дзейнічала на акупіраванай тэрыторыі Багушэўскага, Аршанскага і Гарадоцкага раёнаў. 10 сакавіка 1943 года брыгада (125 партызан, 4 атрады) выйшла ў савецкі тыл і была расфарміравана.
Склад[правіць | правіць зыходнік]
Брыгада была створана ў Багушэўскім раёне на базе атрадаў В. У. Бойкі (1-га, у нямецкім тыле ў лютым — жніўні 1942 года), імя Варашылава (2-га, з восені 1942 года ў 1-й партызанскай брыгадзе імя К. С. Заслонава), імя Суворава (арганізаваны ў маі 1942 года, потым 3-і), І. І. Кржасінскага (сфарміраваны ў кастычніку 1941 — сакавіку 1943, потым 4-ы) і П. І. Кірылава (арганізаваны ў маі 1942 года, 5-ы, потым 1-ы атрад), у ліпені 1942 года ў склад брыгады ўвайшоў атрад Б. Ц. Гарнака (6-ы, у жніўні рассеяны). На дату выхаду ў савецкі тыл у склад брыгады ўваходзілі:
- 1-ы атрад;
- атрад імя Суворава;
- 3-і атрад;
- 4-ы атрад.
Камандаванне[правіць | правіць зыходнік]
Камандзіры[правіць | правіць зыходнік]
- В. У. Бойка;
- П. І. Кірылаў;
- М. П. Крэсік (загінуў).
Камісары[правіць | правіць зыходнік]
- В. А. Манохін;
- С. А. Дзятлоўскі;
- А. К. Стэльмах.
Начальнікі штаба[правіць | правіць зыходнік]
- М. К. Вайцяхоўскі;
- В. П. Лаўкоў.
Гісторыя[правіць | правіць зыходнік]
Партызаны праводзілі дыверсіі на чыгунках Віцебск — Орша, Орша — Смаленск, шашэйных і грунтавых дарогах. У ліпені 1942 года каля возера Ардышэва і ў студзені 1943 у вёсцы Паддуб’е Суражскага раёна ўдзельнічалі ў баях з карнікамі. Разграмілі апорныя нямецкія пункты ў вёсках Буда і Клюкаўка Багушэўскага раёна. У лютым — сакавіку ўдзельнічалі ў баях з карнікамі, панеслі значныя страты.
Памяць[правіць | правіць зыходнік]
- У 1960 годзе ў вёсцы Гаркава Віцебскага раёна ў гонар брыгады ўстаноўлена мемарыяльная дошка.
- У 1962 годзе ў вёсцы Сафіёўка Аршанскага раёна пастаўлены помнік.
Зноскі
Літаратура[правіць | правіць зыходнік]
- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.