Бадрынатх

Бадрынатх Краіна  Індыя Каардынаты 30°44′33″ пн. ш. 79°29′46″ у. д. Плошча 3 км² Вышыня цэнтра 3 300 ± 1 м Часавы пояс UTC+05:30 Тэлефонны код 1381 Паштовыя індэксы 246422 Бадрынатх на карце Індыі

Медыяфайлы на Вікісховішчы

Бадрынатх (англ.: Badrinath, хіндзі बद्रीनाथ) — горад у акрузе Чамолі ў штаце Утаракханд, Індыя. Размешчаны на ўзгорках Гархвал на берагах ракі Алакнанды, за 301 км на паўночны ўсход ад Рышыкеша. Ляжыць паміж горнымі адгор’ямі Нар і Нараяна ў цені гары Нілкантха.

Бадрынатх — святы індуісцкі горад. Як свяшчэннае месца згадваўся ў пісаннях і легендах на працягу тысяч гадоў. Ён найбольш важны з чатырох гарадоў у паломніцтве па маршруце Чар-дхам (санскр. चार धाम, літар. «чатыры абіцелі»). Паводле падання менавіта тут былі запісаны Веды і складзены многія пураны. У апошнія гады папулярнасць Бадрынатха вырасла ў некалькі разоў: 600 000 паломнікаў (2006 год).