База Мерымэ
Неправераная
База Мерымэ (фр.: Base Mérimée) — база даных французскага міністэрства культуры, у якой сабрана інфармацыя пра гістарычныя помнікі Францыі. Вядзецца з 1978 года. Сеткавая версія даступная з 1995 года.
Назва базы даных адсылае да намаганняў Праспера Мерымэ, першага ў Францыі інспектара помнікаў гісторыі, па апісанні помнікаў даўніны. У 1840 годзе пад кіраўніцтвам Мерымэ быў складзены першы ў Еўропе Рэестр гістарычных помнікаў. З мэтай выяўлення і апісання такога роду помнікаў Мерымэ аб'ехаў усе рэгіёны Францыі.
Артэфакты, якія адносяцца да рухомай маёмасці, сабраны ў аналагічным рэестры, які называецца база Палісі ў гонар Бернара Палісі. Графічныя выявы і друкаваныя адбіткі, якія маюць гістарычную каштоўнасць, улічваюцца ў базе Мемуар.