Балонскі ўніверсітэт

Балонскі ўніверсітэт
італ.: Università di Bologna
Заснаваны	1088
Рэктар	Giovanni Molari[d]
Студэнты	96 945
Краіна	Італія
Размяшчэнне	Балоння
Сайт	unibo.it (італ.)​ (англ.)
Медыяфайлы на Вікісховішчы

Балонскі ўніверсітэт — найстарэйшы бесперапынна існуючы ўніверсітэт Еўропы. Знаходзіцца ў італьянскім горадзе Балоння. У арабскім свеце канкурэнтам Балонскага з’яўляецца ўніверсітэт Аль-Карауін, найстарэйшы бесперапынна існуючы ўніверсітэт у свеце, аднак, у адрозненне ад еўрапейскіх, арабскія «ўніверсітэты» не выдавалі дыпломаў ад імя самой навучальнай установы. Уваходзіць у еўрапейскую ўніверсітэцкую асацыяцыю Утрэхцкая сетка.

Гісторыя

Узнікненне прававой школы

Дакладная дата заснавання ўніверсітэта невядомая, але несумненна, што ў Балонні існавала школа «свабодных мастацтваў», якая карысталася асаблівай вядомасцю ў X і XI стагоддзях, дзе вучні ў выглядзе дадатковых заняткаў да курсу рыторыкі вывучалі рымскае права.

Балонскія студэнты нямецкай «нацыі» (зямляцтва). Мініяцюра XV стагоддзя

Сучасная студэнтка (2016 год)

Пачатак глыбокага вывучэння права паклаў Ірнерый у канцы XI стагоддзя. Гэты Ірнерый (часам званы Вернерам, Варнерыем, Гарнерыем) быў выкладчыкам у школе свабодных мастацтваў; вывучыўшы сам, без дапамогі настаўніка, Юстыніянава права, ён набыў рэпутацыю легіста. Па сведчанні Адфруа, балонскага юрыста XIII стагоддзя, творы якога ўтрымліваюць гістарычныя звесткі адносна прафесараў-папярэднікаў, Ірнерый адкрыў адмысловую юрыдычную школу па просьбе графіні Мацільды, былой уладальніцыцы Тасканы і часткі Ламбардыі. Цалкам праўдападобна, што гэтая прынцэса, прыхільніца папы рымскага, была супраць запрашэння ў свае суды равенскіх легістаў, якія адрозніваліся традыцыйнай варожасцю да папскага стальца.

Ірнерый адкрыў свае публічныя лекцыі ў 1088, які лічыцца годам заснавання яго інстытута, і займаў у ім кафедру да самай сваёй смерці (паміж 1125 і 1137 гадамі).

Вядомыя выкладчыкі і выпускнікі

• Алесандра Акіліні
• Калуча Салютаці
• Джавані Паскалі

Гл. таксама

• Оксфардскі ўніверсітэт
• Парыжскі ўніверсітэт

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 257. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).