Баляслаў Іванавіч Сяўко

З пляцоўкі Вікіпедыя
Перайсці да: рух, знайсці
Баляслаў Іванавіч Сяўко
Дата нараджэння:

15 мая 1940(1940-05-15)

Месца нараджэння:

Зэльвенскі раён, Баранавіцкая вобласць, БССР, СССР

Дата смерці:

2 чэрвеня 2002(2002-06-02) (62 гады)

Грамадзянства:

Flag of Belarus (1995-2012).svg Беларусь

Адукацыя:

Беларуская дзяржаўная акадэмія мастацтваў

Баляслаў Іванавіч Сяўко (15 мая 1940, вёска Міжэрычы, Зэльвенскі раён, Гродзенская вобласць — 2 чэрвеня 2002) — беларускі акцёр. Заслужаны артыст Беларусі (1972).

Біяграфія[правіць | правіць зыходнік]

Нарадзіўся ў сям'і селяніна. У 1961 годзе быў прыняты ў Беларускі дзяржаўны тэатральна-мастацкі інстытут на акцёрскі факультэт. Яго педагогам быў прафесар, народны артыст БССР Д. А. Арлоў. Пасля заканчэння інстытута ў 1965 годзе — акцёр тэатра імя Я. Коласа г. Віцебска. На працягу многіх гадоў — выканаўца рознапланавых роляў: Толік («Вайна пад стрэхамі» А. Адамовіча), Юрка («Таблетку пад язык» А. Макаёнка), Валодзька («Трыбунал» А. Макаёнка), Колесаў («Развітанне ў чэрвені» А. Вампілава), Уладзімір («Чужы» Л. Ніканенка), сын («Зацюканы апостал» А. Макаёнка) і іншых.

Узначальваў калектыў пантамімы, якому прысвоена званне «Народны». На 12-м і 13-м Міжнародных фестывалях пантамімы ў г. Брно (Чэхія) калектыў займаў першыя месцы ў намінацыях: сола, дуэт і трыа ў групавым выступленні з кароткай праграмай.

Зноскі

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).