Барыс Паўлавіч Беляжэнка

Барыс Паўлавіч Беляжэнка
Асабістыя звесткі
Дата нараджэння	5 чэрвеня 1937(1937-06-05)
Месца нараджэння	Промыслы, Бачэйкаўскі сельсавет, Бешанковіцкі раён, Беларусь
Дата смерці	14 ліпеня 2016(2016-07-14) (79 гадоў)
Месца смерці	Віцебск, Віцебская вобласць, Беларусь
Пахаванне	Віцебск
Грамадзянства	Беларусь
Альма-матар	філалагічны факультэт БДУ (1965) Мінская вышэйшая партыйная школа пры ЦК КПБ (1970)
Месца працы	Чашніцкі раённы выканаўчы камітэт Зара Віцебскі рабочы Віцебскі абласны камітэт КПБ
Прафесійная дзейнасць
Род дзейнасці	паэт, журналіст
Грамадская дзейнасць
Член у	Саюз беларускіх пісьменнікаў Віцебскае абласное аддзяленне Саюза пісьменнікаў Беларусі

Барыс Паўлавіч Беляжэнка (Беліжэнка; нар. 5 чэрвеня 1937, в. Промыслы, Бешанковіцкі раён, Віцебская вобласць — 14 ліпеня 2016) — беларускі паэт, журналіст.

Біяграфія

Нарадзіўся 5 чэрвеня 1937 года ў вёсцы Промыслы Бешанковіцкага раёна.

Пасля заканчэння школы працаваў у 1955—1957 гадах старшым піянерважатым Навікоўскай сярэдняй школы Шумілінскага раёна. У 1957—1958 гг. служыў на Балтыйскім ваенна-марскім флоце. Пасля настаўнічаў, быў дырэктарам Дома піянераў і школьнікаў, супрацоўнікам бешанковіцкай раённай газеты «Зара», сакратаром партыйнай арганізацыі калгаса «Герой працы», інструктарам райкама партыі, дырэктарам Пуськаўскай васьмігодкі.

У 1965 г. скончыў завочна філалагічны факультэт Беларускага дзяржаўнага ўніверсітэта. У 1965—1967 гг. загадваў Чашніцкім райана. У 1967—1968 гг. працаваў намеснікам старшыні Чашніцкага райвыканкама. У 1970 г. скончыў Мінскую вышэйшую партыйную школу. З 1970 г. інструктар, з 1972 г. лектар, а з 1975 г. загадчык сектара друку, тэлебачання і радыё Віцебскага абкама КПБ. У 1980—1986 гг. быў загадчыкам аддзела абласной газеты «Віцебскі рабочы».

Сябра Саюза пісьменнікаў СССР і Беларусі з 1979 года. Член Віцебскага абласнога аддзялення Саюза пісьменнікаў Беларусі.

Памёр 14 ліпеня 2016 года. Памёр і пахаваны, верагодна, Віцебску.

Творчасць

Друкаваўся з 1958 года. Выдаў зборнікі вершаў «Крыгалом» (1973), «Жытнёвае поле» (1977). Асноўныя тэмы твораў — любоў да роднага краю, праблемы грамадскага жыцця сучаснікаў, мужнасць народных мсціўцаў у Вялікую Айчынную вайну. Аўтар аповесці-дэтэктыва «Каляровыя фотакарткі» (1988), вянка санетаў «Вышыня» (1974), паэмы «Свята пумы» (1977), гумарэсак, песень, тэксту кантаты «Памяць роднага горада» (1974, музыка Я. Касалапава) і інш.

Літаратура

• Беляжэнка Барыс Паўлавіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).