Барыс Фёдаравіч Закс
| Барыс Фёдаравіч Закс | |
|---|---|
| Род дзейнасці | крытык |
| Дата нараджэння | 2 красавіка 1910 |
| Месца нараджэння | |
| Дата смерці | 31 ліпеня 1977 (67 гадоў) |
| Месца смерці | |
| Грамадзянства | |
Барыс Фёдаравіч Закс (руск.: Закс Борис Фёдорович; 2 красавіка 1910, Лельчыцы — 31 ліпеня 1977, Свярдлоўск) — яўрэйскі літаратурны крытык, педагог.
Біяграфія[правіць | правіць зыходнік]
Скончыў Лельчыцкую сярэднюю школу (1927). У 1927 годзе пераехаў у Маскву. Вучыўся на курсах па падрыхтоўцы рабочых у аспірантуры Акадэміі мастацтвазнаўства. У жніўні 1931 года здаў выпрабаванні за курс літаратурнага факультэта педінстытута і быў прыняты ў аспірантуру пры кафедры яўрэйскай літаратуры Маскоўскага педагагічнага інстытута імя А. С. Бубнова (1931—1934). Адначасова з вучобай у аспірантуры працаваў асістэнтам па тэорыі літаратуры (у дацэнта А. М. Гурштэйна) і па гісторыі заходнееўрапейскай літаратуры (у прафесара І. М. Нусінава). Пасля заканчэння аспірантуры быў пакінуты пры інстытуце — асістэнтам і загадчыкам масавага сектара дырэкцыі інстытута, загадваў кабінетам літаратуры (1932—1934). У 1934 быў накіраваны на працу на Далёкі Ўсход, працаваў выкладчыкам рускай літаратуры ў Бірабіджанскім педагагічным тэхнікуме, перакладчыкам аблвыканкама Яўрэйскай аўтаномнай вобласці і Бірабіджанскага гарсавета (1935—1936). Старшы выкладчык кафедры рускай і замежнай літаратуры Уральскага дзяржаўнага ўнівесітэта (1945—1950). Чытаў нарматыўны курс замежнай літаратуры.
Галіна навуковых інтарэсаў — творчасць Л. Фейхтвангера.
Навуковыя працы[правіць | правіць зыходнік]
- «Гісторыя яўрэйскай літаратуры XIX стагоддзя» (1931)
- «Перэц: аналіз творчасці» (1931)
- "Каментары да «Збору твораў Шолам-Алейхема» (1935)
- «„Слова пра паход Ігараў“ у яўрэйскім перакладзе» (1938)
- «Рэвалюцыйная паэзія ў ЗША» (1941)
- «Ліпман-Левін: аналіз творчасці» (1935)