Басціян Швайнштайгер

З пляцоўкі Вікіпедыя
Jump to navigation Jump to search
Футбол
Басціян Швайнштайгер
Bastian Schweinsteiger 20120609.jpg
Швайнштайгер у гульні за зборную Германіі
Агульная інфармацыя
Мянушка Басці, Швайні, Бастыш-Фантастыш, Boss
Нарадзіўся 1 жніўня 1984(1984-08-01)[1][2][…] (37 гадоў)
Грамадзянства Сцяг Германіі Германія
Рост 183 см
Вага 77 кг
Пазіцыя цэнтральны паўабаронца
Інфармацыя пра клуб
Клуб Сцяг ЗША Чыкага Файр
Нумар 31
Маладзёжныя клубы
1987—1992 Сцяг Германіі Обераўдорф
1992—1998 Сцяг Германіі Розенгайм 1860
1998—2002 Сцяг Германіі Баварыя (Мюнхен)
Клубная кар’ера[* 1]
2002—2015 Сцяг Германіі Баварыя (Мюнхен) 342 (45)
2000—2002 →  Сцяг Германіі Баварыя II 34 (2)
2015—2017 Сцяг Англіі Манчэстэр Юнайтэд 18 (1)
2017— Сцяг ЗША Чыкага Файр 1 (1)
Нацыянальная зборная[* 2]
2000 Сцяг Германіі Германія (да 16) 1 (0)
2001—2002 Сцяг Германіі Германія (да 18) 11 (2)
2002—2003 Сцяг Германіі Германія (да 19) 7 (2)
2004 Сцяг Германіі Германія (да 21) 8 (3)
2004—2016 Германія Германія 121 (24)
Узнагароды і медалі
Чэмпіянаты свету
Бронза Германія 2006
Бронза ПАР 2010
Золата Бразілія 2014
Кубкі канфедэрацый
Бронза Германія 2005
Чэмпіянаты Еўропы
Срэбра Аўстрыя/Швейцарыя 2008
Бронза Польшча/Украіна 2012
Бронза Францыя 2016
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 2 красавіка 2017.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 2 красавіка 2017
Commons-logo.svg Басціян Швайнштайгер на Вікісховішчы

Басціян Швайнштайгер (ням.: Bastian Schweinsteiger; нар. 1 жніўня 1984, Кольбермар, ФРГ) — нямецкі футбаліст, паўабаронца амерыканскага клуба «Чыкага Файр» і былы ігрок нацыянальнай зборнай Германіі. Чэмпіён свету 2014 года. Адзін з самых тытулаваных ігракоў Германіі.

Клубная кар’ера[правіць | правіць зыходнік]

«Баварыя»[правіць | правіць зыходнік]

Басціян прабіўся ў склад першай каманды «Баварыі» з шэрагаў дубля. У аснову футбаліст пачаў траплаць пачынаючы з сезону 2002/03. З сезону 2004/05 ён стаў іграком асноўнага складу, правяўшы ў сезоне ў Бундэслізе 26 гульняў і адзначыўшыся 3 мячамі. Але потым трэнер «Баварыі» Фелікс Магат з-за дрэннай працы на трэніроўках спаслаў юнака ў «Баварыю-2». Аднак праз некалькі месяцаў галоўны трэнер зноў вярнуў Басціяна ў асноўны склад. Швайнштагер выступаў дастаткова добра і стабільна, мала забіваючы, але аддаючы выдатныя пасы. Асноўная пазіцыя Швайнштайгера ў гэтыя часы ёсць фланг паўабароны.

З прыходам у клуб у якасці трэнера Луі ван Гала, Швайнштайгер перакваліфікаваўся з вінгера ў нядрэннага цэнтральнага паўабаронцу, і сезону 2009/10 стаў адным з самых паспяховых у яго кар’еры. Ён і яго аднаклубнік Марк ван Бомел склалі моцны звязак цэнтрхаваў, якія многія футбольныя спецыялісты называлі мацнейшым у Германіі[5]. Сваёй хвацкай гульнёй, а таксама лідарскімі якасцямі, Басціян забяспечыў сабе не толькі сталае месца ў аснове клуба, але і званне другога віцэ-капітана, а пасля сыходу Марка, і першага віцэ-капітана.

Улетку 2010 года ў трансферы Швайнштайгера былі зацікаўлены «Рэал Мадрыд», «Чэлсі» і «Ювентус»[6]. Аднак Швайнштайгер паведаміў, што падоўжыў кантракт з клубам да 2016 года. Па стане на 12 студзеня 2011 года трансферны кошт іграка складаў 40 мільёнаў еўра, пры тым, што «Чэлсі» быў гатовы купіць іграка за 60 мільёнаў[7].

25 красавіка 2012 года Швайнштайгер забіў пераможны гол у серыі пенальці ў паўфінале Лігі чэмпіёнаў, што дазволіла «Баварыі» прасунуцца да фіналу, аднак яна атрымала ў ім паражэнне ад лонданскага «Чэлсі».

«Манчэстэр Юнайтэд»[правіць | правіць зыходнік]

13 ліпеня 2015 года было афіцыйна абвешчана аб пераходзе Швайнштайгера ў «Манчэстэр Юнайтэд»[8]. Улетку 2016 года, пасля прыходу ў клуб новага трэнера Жазэ Маўрынью, Швайнштайгер страціў месца ў камандзе і трэніраваўся з мольадзевым складам. Быў вернуты ў першую каманду ў канцы 2016 года, правёў за яе чатыры кубкавых матчы.

«Чыкага Файр»[правіць | правіць зыходнік]

21 сакавіка 2017 года стала вядома аб тым, што Швайнтайгер папоўніць склад амерыканскага клуба «Чыкага Файр»[9]. Пераход быў завершаны 29 сакавіка, пасля праходжання медагляду. 1 красавіка згуляў свой першы матч за «Чыкага Файр», у якім адзначыўся голам у браму «Манрэаль Імпакт» (выніковы лік 2:2).

Міжнародная кар’ера[правіць | правіць зыходнік]

У асноўнай зборнай Германіі выступаў з 2004 года. Першыя 2 галы за зборную забіў 8 чэрвеня 2005 года ў таварыскім матчы супраць зборнай Расіі.

29 ліпеня 2016 года, па заканчэнні чэмпіянату Еўропы, абвясціў аб сваім зыходзе са зборнай. Праз месяц прыняў удзел у сваім апошнім матчы за нацыянальную каманду, згуляўшы ў таварыскай сустрэчы супраць Фінляндыі.

Дасягненні[правіць | правіць зыходнік]

Клубныя[правіць | правіць зыходнік]

Сцяг Германіі Баварыя:

Сцяг Англіі Манчэстэр Юнайтэд:

Міжнародныя[правіць | правіць зыходнік]

Германія:

Зноскі

  1. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #141148705 // Агульны нарматыўны кантроль — 2012—2016. Праверана 9 красавіка 2014.
  2. ↑ Person Profile // Internet Movie Database — 1990. Праверана 13 кастрычніка 2015.
  3. ↑ Bastian Schweinsteiger // Transfermarkt — 2000. Праверана 9 кастрычніка 2017.
  4. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #141148705 // Агульны нарматыўны кантроль — 2012—2016. Праверана 10 снежня 2014.
  5. ↑ «Баварии» все по силам. UEFA.com
  6. ↑ Швайнштайгер: мною интересуются «Реал», «Челси» и «Ювентус». championat.ru
  7. ↑ «Челси» хочет купить Швайнштайгера за 60 млн евро. gigafootball.net
  8. ↑ Швайнштайгер подписал 3-летний контракт с «Манчестер Юнайтед» by.tribuna.com
  9. ↑ Швайнштайгер перешел в «Чикаго» by.tribuna.com

Спасылкі[правіць | правіць зыходнік]

Узята з "https://be.wikipedia.org/w/index.php?title=Басціян_Швайнштайгер&oldid=3756948"