Баяры (Слабадскі сельсавет)

Вёска Баяры Краіна Беларусь Вобласць Мінская Раён Мядзельскі Сельсавет Слабадскі Каардынаты 54°55′11″ пн. ш. 27°16′49″ у. д. Колькасць двароў 43 Насельніцтва 66 чалавек (1997) Часавы пояс UTC+3 Тэлефонны код +375 1797 Паштовыя індэксы 222393 Аўтамабільны код 5 СААТА 6240845008 Баяры на карце Беларусі ±

Баяры — вёска ў Слабадскім сельсавеце Мядзельскага раёна Мінскай вобласці.

Гісторыя

У 1868 г. вёска Габскай воласці Вілейскага павета Віленскай губерні, 28 двароў, 169 жыхароў. У 1904 г. вёска Жоснянскай воласці Вілейскага павета, 296 жыхароў, з 1901 г. працавала школа граматы. У 1908 г. у вёсцы 44 двары, 344 жыхары. У 1921 г. у складзе гміны Жосна Дунілавіцкага (з 1926 г. Пастаўскі) павета Віленскага ваяводства, 56 двароў, 295 жыхароў. З 12.10.1940 г. у Старагабскім сельсавеце Мядзельскага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей. У 1940 г. 64 двары, 400 жыхароў, арганізаваны калгас імя Сталіна (адноўлены ў 1949 г.). З 1952 ў сяле пачаў працаваць радыёвузел. З 09.04.1954 г. вёска ў складзе калгаса імя Кірава (цэнтр — вёска Старыя Габы).

У 2013 годзе Старагабскі сельсавет быў скасаваны, і Баяры ўвайшлі ў склад Слабадскога сельсавета.

Насельніцтва

• 226 жыхароў (1960)
• 43 двары, 66 жыхароў (1997)

Інфраструктура

Дзейнічаюць крама, бібліятэка, жывёлагадоўчая ферма.

Літаратура

• Bojary, wieś, powiat wilejski, gmina Żośno // Słownik geograficzny Królestwa Polskiego i innych krajów słowiańskich. Tom XV, cz. 1: Abablewo — Januszowo. — Warszawa, 1900. — S. 188