Баі за Пальмавы гай

З пляцоўкі Вікіпедыя
Jump to navigation Jump to search
Баі за Пальмавы гай
Асноўны канфлікт: Іракская вайна
Дата 10—13 верасня 2010
Месца Пальмавы гай, Худайды, Дыяла
Вынік Стратэгічная перамога амерыкана-іракскіх сіл, тактычная перамога паўстанцаў
Праціўнікі
Flag of Iraq.svg Ірак
Flag of the United States.svg ЗША
Ірак Іракскія паўстанцы
Сілы бакоў
звыш за 200 байцоў 15—25 паўстанцаў
Страты
5 забітых, 15 параненых невядома

Баі за Пальмавы гай — сутыкненні, якія адбыліся падчас Іракскай вайны ў Худайды, правінцыя Дыяла. Баі ішлі ў раёне гарадскога саду Пальмавы гай (англ.: Palm Grove). Гэта было апошняе буйное сутыкненне канфлікту з удзелам амерыканскіх войскаў.

Баявыя дзеянні пачаліся, калі атрады другой брыгады кансультавання і дапамогі і 512-й ваеннай паліцэйскай роты арміі ЗША падтрымалі іракскіх вайскоўцаў і паліцыянтаў у пошукавай аперацыі супраць групы з 15—25 паўстанцаў, якія ўстанаўлівалі СВП на дарогах, дзе праязджалі калоны мясцовых сілавікоў і кааліцыі.

У ходзе аперацыі былі задзейнічаны ўдарныя верталёты Apache і знішчальнікі F-16 ВПС ЗША. Знішчальнікі скінулі дзве 500-фунтавыя бомбы, але без асаблівага эфекту. Пасля трохдзённых сутыкненняў паўстанцам удалося сысці, не нясучы ніякіх страт, у той час як да 33 супрацоўнікаў іракмкіх сілаў бяспекі былі забітыя або параненыя, а два амерыканскіх вайскоўца атрымалі раненні.

Гэтыя падзеі паказалі, што без удзелу замежных войскаў іракскія сілавікі не вельмі здольныя забяспечваць правапарадак і змагацца з супрацівам. Адзін іракскі лейтэнант, што ўдзельнічаў у аперацыі ў Пальмавым гаі, пазней сказаў, што калі б не амерыканская авіяцыя і артылерыя, то мясцовыя сілы нават бы і не адважыліся зачысціць сад.

Спасылкі[правіць | правіць зыходнік]