Беата

З пляцоўкі Вікіпедыя
Jump to navigation Jump to search

Беата
Carte de ville Santo Domingo (1888).jpg
17°34′42″ пн. ш. 71°30′42″ з. д.HGЯO
АрхіпелагВялікія Антыльскія астравы
АкваторыяКарыбскае мора
КраінаFlag of the Dominican Republic.svg Дамініканская Рэспубліка
Беата (Дамініканская Рэспубліка)
Беата
Беата
Плошча27 км²
Пляж
Пляж
Commons-logo.svg Беата на Вікісховішчы

Беа́та (ісп.: Beata) — востраў ля паўднёвага ўзбярэжжа Дамініканскай Рэспублікі. Плошча — 27 км². Сталага насельніцтва няма.

Востраў Беата сфарміраваны на водмелі, што з'яўляецца падводным працягам суседняга вострава Гаіці. Аддзелены ад яго пралівам (5,15 км). Паверхня нізкая, складзеная пераважна з вапнякоў. На паўднёвым узбярэжжы мангравыя балоты. Даўжыня — 8,52 км. Найбольшая шырыня — 6,14 км.

Востраў пакрыты лясной расліннасцю. Яго насяляюць некалькі відаў наземных і марскіх птушак, ігуаны, крабы і чарапахі. Уваходзіць у склад запаведніка.

Мяркуецца, што ў старажытнасці востраў Беата быў заселены індзейцамі, якія здабывалі тут малюскаў. Захаваліся звалкі ракавін. Аднак у 1494 г., калі ён быў адкрыты Х. Калумбам, сталага насельніцтва ўжо не было. Іспанскія каланісты выкарыстоўвалі яго для часовага ўтрымання статкаў свойскай жывёлы і здабычы солі. У нашы дні ненаселены, аднак наведваецца рыбакамі і турыстамі.

Спасылкі[правіць | правіць зыходнік]