Белаплечы арлан (Haliaeetus pelagicus) — вельмі буйная драпежная птушка сямейства ястрабіныя, якая жыве на прыбярэжнай тэрыторыі паўночна-ўсходняй Азіі. Сілкуецца ў асноўным рыбай. З’яўляецца адным з самых цяжкіх арлоў. Маса дасягае 9 кг. Від занесены ў Чырвоную кнігу Расіі.
Агульная даўжыня птушкі 105—112 см, даўжыня крыла 57-68 см, вага 7,5-9 кг. У дарослых птушак афарбоўка складаецца са спалучэння цёмна-бурага колеру з белым (але ёсць і аднакаляровая цёмна-бурая варыяцыя). Самцы і самкі афарбаваныя аднолькава, канчатковы нарад апранаецца ў трохгадовым узросце.
На Вікісховішчы ёсць медыяфайлы па тэме Белаплечы арлан
