Беларускае таварыства Чырвонага Крыжа (Літва)
| Беларускае таварыства Чырвонага Крыжа | |
|---|---|
| Краіна | |
| Тып арганізацыі | дабрачынная арганізацыя[d] |
| Заснаванне | |
| Дата заснавання | красавік 1921 |
| Ліквідацыя | |
| Дата скасавання | 1922 |
| Колькасць членаў | 32 |
.svg){kind=small}
Белару́скае тавары́ства Чырво́нага Кры́жа (БТЧК) у Літве — беларуская грамадская арганізацыя ў красавіку 1921 — сярэдзіне 1922 года.
Утворана на аснове Жэнеўскай канвенцыі ад 22 жніўня 1864 года пра таварыствы Чырвонага Крыжа. Асноўныя мэты: аказанне медыцынска-санітарнай, матэрыяльнай і маральнай дапамогі беларускім ваеннапалонным, бежанцам, эмігрантам, хворым, сіротам, усім пацярпелым ад ваенных дзеянняў, садзейнічанне ў вяртанні на радзіму. Размяшчалася ў Коўне (Літва) у атэлі «Метраполь». Старшыня таварыства — Язэп Варонка, віцэ-старшыні — Іван Цвікевіч і Нахум Ліпоўскі, скарбнік — Паўліна Мядзёлка. Мела 32 чалавекі ў штаце, аддзяленні і прадстаўніцтвы ў Берліне (Андрэй Бароўскі), на Гродзеншчыне (С. Баран-Нямір), у Вільні (Аляксандр Карабач), Празе (Мікола Вяршынін), Рызе (Кастусь Езавітаў), Канстанцінопалі, Амерыцы. Арганізацыя супрацоўнічала з эміграцыйным урадам БНР у Коўне, урадавымі ўстановамі Літвы, Літоўскім таварыствам Чырвонага Крыжа. Займалася выдавецкай дзейнасцю, у 1921 годзе выпусціла 3 маркі серыі «Беларусь. Пошта», збор ад іх продажу пайшоў на дабрачынныя мэты[1].
Зноскі
- ↑ Ю. Р. Васілеўскі. Беларускае таварыства Чырвонага Крыжа // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 402.
Літаратура[правіць | правіць зыходнік]
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
- Васілеўскі, Ю. Р. Беларускае таварыства Чырвонага Крыжа / Ю. Р. Васілеўскі // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. — С. 361.