Беларускае (Крывіцкае) культурнае таварыства імя Ф. Скарыны

З пляцоўкі Вікіпедыя
Jump to navigation Jump to search

Беларускае (Крывіцкае) культурнае таварыства імя Ф. Скарыны ў Празе — грамадская арганізацыя беларускай эмігранцкай інтэлігенцыі. Створана ў 1925 г. з нагоды 7-й гадавіны абвяшчэння незалежнасці Беларусі і 400-годзя беларускага друку. Сярод заснавальнікаў: М. Вяршынін, І. С. Дварчанін, Т. Т. Грыб, В. А. Грышкевіч, Ф. Грышкевіч, У. А. Жылка, В. І. Захарка, А. Клімовіч, М. Коберац, П. Крачэўскі, А. Орса, В. Русак, Я. Станкевіч, М. Чарноцкі і іншыя. Філіялы таварыства існавалі ў Вільні, Варшаве, Берліне, Бруселі, Коўне, Лілі, Рызе, Рыме. Мэты: падтрымка адраджэнскага руху беларусаў, правядзенне культурна-асветніцкай работы, выхаванне дбайных адносін да роднай мовы, вывучэнне айчыннай гісторыі, народных звычаяў і традыцый, падрыхтоўка нацыянальна свядомых кадраў беларускай інтэлігенцыі, садзейнічанне перакладам твораў беларускіх пісьменнікаў на замежныя мовы і іншае. Імкнулася да супрацоўніцтва з Еўрапейскай асацыяцыяй студэнтаў, прыхільна ставілася да духоўнага пабрацімства славян, развівала ідэі дзяржаўнай незалежнасці і самастойнасці. Выдавала на лацінцы часопіс "Iskry Skaryny"1931 г.). Час спынення дзейнасці таварыства невядомы.

Літаратура[правіць | правіць зыходнік]

  • ЭГБ, у 6 т. Т. 6, кн .ІІ. — Мн., 2003.