Беларуская рада культуры
| Беларуская рада культуры | |
|---|---|
 | |
| Дата заснавання | 2020 |
| Тып | грамадская арганізацыя |
| Краіна | |
| Сайт | byculture.org |
Беларуская рада культуры — некамерцыйная дабрачынная арганізацыя, якая займаецца праблемамі беларускай культуры.
Арганізацыя зарэгістраваная на тэрыторыі ЕС (у Эстоніі пад назваю MTÜ Valgevene Kultuuri Assotsiatsioon), з мая 2023 года мае праваабарончы статус.
Гісторыя
Заснавана 1 кастрычніка 2020 года ў адказ на рэпрэсіі беларускіх улад супраць дзеячаў культуры ў Беларусі пасля фальсіфікацыі прэзідэнцкіх выбараў 2020 года і пачатку масавых пратэстаў. Спачатку арганізацыя называлася «Беларускі фонд культурнай салідарнасці». У лютым 2021 года ў сувязі з пашырэннем дзейнасці, акрамя дапамогі арганізацыя пачала займацца працэсамі падрыхтоўкі рэформ, фонд змяніў назву на Беларуская рада культуры[1].
7 чэрвеня 2022 года Міністэрства ўнутраных спраў Беларусі прызнала Беларускую раду культуры «экстрэмісцкім фарміраваннем»[2]. Рашэннем Партызанскага суда Мінску ўсе старонкі і суполкі ў сетках, матэрыялы і ініцыятывы Беларускай рады культуры прызнаны «экстрэмісцкімі матэрыяламі»[3]. «Экстрэмісцкім» таксама прызнаны канал арганізацыі, прысвечаны кампаніі салідарнасці #BelarusWithUkraine.
Арганізацыя зарэгістраваная на тэрыторыі ЕС, з мая 2023 года мае праваабарончы статус.
У 2024 годзе некалькі людзей асудзілі за ахвяраванні Беларускай радзе культуры[4][5], у тым ліку за зробленыя да прызнання яе экстрэмісцкім фарміраваннем[6].
Дзейнасць
За першыя 10 месяцаў дзейнасці арганізацыя дапамагла больш за 600 дзеячам культуры[7][8]. На момант 1 кастрычніка 2025 года было падтрымана і рэалізавана больш за 230 праектаў, а таксама аказана дапамога больш за 1600 дзеячам культуры[9].
Пры падтрымцы Беларускай рады культуры рэалізавана некалькі праектаў, у прыватнасці ArtPower Belarus, Беларускія Магістраты, Васьміног, «Культурны код»[9].
Кіраўніцтва
У склад Рады ўваходзяць 9 дзеячаў культуры.
- Сяргей Будкін — кіраўнік.
- Надзея Гарэцкая — намесніца кіраўніка.
- Эліна Калнібалоцкая — дырэктарка па развіцці.
Крыніцы
- ↑ REFORM.by. Фонд культурнай салідарнасці стане Беларускай радай культуры (руск.). REFORM.by (22 лютага 2021). Праверана 4 кастрычніка 2025.
- ↑ Беларускую раду культуры прызналі «экстрэмісцкім фармаваньнем» (бел. (тар.)). Беларуская служба Радыё «Свабода» (7 чэрвеня 2022).
- ↑ Беларускую раду культуры прызналі «экстрэмісцкім фармаваннем» - Беларуская Служба(нявызн.). www.polskieradio.pl. Праверана 24 верасня 2025.
- ↑ 50-гадовага жыхара Мінскага раёна прысудзілі да пяці гадоў калоніі за данаты праваабарончым ініцыятывам і палітвязням. Наша Ніва (26 кастрычніка 2024).
- ↑ Вось за што бізнэсоўцу Сяргею Юнчыцу прысудзілі пяць гадоў калоніі і 20 тысяч рублёў штрафу. Наша Ніва (26 кастрычніка 2024).
- ↑ Зорку "Што? Дзе? Калі?" Фёдара Шведава асудзілі да 3,5 гадоў "хіміі". Праваабарончы цэнтр «Вясна» (19 красавіка 2024).
- ↑ Свабода, Радыё. Беларуская рада культуры падвяла вынікі працы: дапамаглі звыш 600 творцам . Радыё Свабода (15 ліпеня 2021). Праверана 4 кастрычніка 2025.
- ↑ Беларуская рада культуры аказала падтрымку звыш 600 артыстам - Беларуская Служба(нявызн.). www.polskieradio.pl. Праверана 4 кастрычніка 2025.
- ↑ а б «Надалей плануем не збаўляць тэмп»: Беларускай Радзе культуры сёння споўнілася пяць гадоў (руск.). REFORM.news (1 кастрычніка 2025). Праверана 5 кастрычніка 2025.
Спасылкі
- byculture.org — афіцыйны сайт
- Свабода, Радыё. Цімафей Акудовіч: «Усю Беларусь як сыстэму трэба будаваць амаль што з нуля» . Радыё Свабода (29 кастрычніка 2022). Праверана 4 кастрычніка 2025.
- reform.news. «Надалей плануем не збаўляць тэмп»: Беларускай Радзе культуры сёння споўнілася пяць гадоў (руск.). REFORM.news (ранее REFORM.by) (1 кастрычніка 2025). Праверана 4 кастрычніка 2025.
