Беларуская сацыял-дэмакратычная партыя (Грамада)

З пляцоўкі Вікіпедыя
Jump to navigation Jump to search
Беларуская сацыял-дэмакратычная партыя
Беларуская сацыял-дэмакратычная партыя (Грамада)
Bsdp.gif
Лідар Ігар Барысаў2018)
Дата заснавання 25 чэрвеня 2005
Штаб-кватэра
Ідэалогія сацыял-дэмакратыя і Pro-Europeanism[d]
Інтэрнацыянал Прагрэсіўны Альянс, PES
Саюзнікі і блокі Права выбару
Колькасць членаў 1127 (2019 г.)
Дэвіз Думаем пра кожнага - працуем разам!
Месцаў у ніжняй палаце
0 / 110
Месцаў у верхняй палаце
0 / 64
Сайт bsdp.org

Беларуская сацыял-дэмакратычная партыя (Грамада) (скарочана - БСДП) — беларуская палітычная партыя, створаная 29 студзеня 1997 г.[1] Першапачаткова партыя была ўтворана 2 сакавіка 1991 г. як Беларуская сацыял-дэмакратычная Грамада (скарочана - БСДГ) і пад такой назвай праіснавала да 29 чэрвеня 1996 г, калі аб'ядналася з Партыяй Народнай згоды (ПНЗ) у выніку чаго атрымала новую назву - Беларуская сацыял-дэмакратычная партыя (Народная Грамада), якая праіснавала да 24 чэрвеня 2005 г. БСДП працягвае традыцыі Беларускай сацыялістычнай Грамады (1902-1918 гг.) і Беларускай сацыял-дэмакратычнай партыі (1918-1924 гг.).

На апошніх парламенцкіх выбарах у Беларусі, 11 верасня 2016 г., партыя мела 27 кандыдатаў у дэпутаты, аднак не атрымала месцаў у парламенце. Лідарам партыі з 2018 г. з'яўляецца Ігар Барысаў.

Партыя знаходзіцца ў апазіцыі да рэжыму Аляксандра Лукашэнкі.

Партыйная ідэалогія[правіць | правіць зыходнік]

Беларуская сацыял-дэмакратычная партыя (Грамада) з'яўляецца класічнай сацыял-дэмакратычнай партыяй левага цэнтра. Уваходзіць у міжнароднае аб'яднанне сацыял-дэмакратычных партый Прагрэсіўны Альянс [2].

Мэтамі БСДПз'яўляюцца:[3]

– сцвярджэнне правоў і свабод чалавека, абарона інтарэсаў і правоў людзей наёмнай працы;

– пабудова салідарнага грамадства на прынцыпах свабоды, роўнасці, сацыяльнай справядлівасці, дэмакратыі і прыярытэту права;

– пабудова незалежнай дэмакратычнай, прававой і сацыяльнай Беларускай дзяржавы - раўнапраўнага суб’екта еўрапейскай і сусветнай супольнасці.

Выступае за незалежнасць Беларусі, парламенцкую рэспубліку, прававую дзяржаву, уступленне ў Еўрасаюз, шматукладную рынкавую экалагічную эканоміку, ваенны нейтралітэт, абарону правоў працоўных і сацыяльных правоў грамадзян, роўнасць паміж мужчынамі і жанчынамі, адраджэнне нацыяльнай самасвядомасці беларускага народа і мовы, экалагічнае абнаўленне і ахову здароўя народа.

Прынцыпамі БСДП з'яўляюцца Свабода, Справядлівасць (Роўнасць), Салідарнасць.

Сцяг БСДП[правіць | правіць зыходнік]

Сцяг БСДП

Партыйнай сімволікай з'яўляецца нацыянальны бел-чырвона-белы-сцяг з выявай на ім ружы. Ружа з'яўляецца міжнародным сімвалам сацыял-дэмакратыі і выкарыстоўваецца ў розных варыяцыях сацыял-дэмакратычнымі партыямі свету.

Аўтарам праекту бел-чырвона-белага сцяга па праву лічыцца сябра БСГ пачатку мінулага стагоддзя архітэктар Клаўдзій Дуж-Душэўскі.

Кіраўніцтва партыі[правіць | правіць зыходнік]

Старшыня партыі - Ігар Барысаў, магістр паліталогіі, рэдактар і журналіст.

Генеральны сакратар - Мечыслаў Грыб, генерал-лейтэнант міліцыі, заслужаны юрыст Рэспублікі Беларусь, з 1990-1996 гг быў дэпутатам Вярхоўнага Савета дэпутатаў XII i XIII скліканняў, са студзеня 1994 па студзень 1996 гг. - старшыня Вярхоўнага Савета Рэспублікі Беларусь.

Першы намеснік старшыні - Аляксей Сігаеў, інжынер-будаўнік.

Намесніца старшыні -Ірына Вештард, настаўніца, інспектар школ, з 1992–2007 гг. была дэпутатам Смаргонскага раённага Савета дэпутатаў.

Намеснік старшыні - Алег Волчак, юрыст, праваабронца.

Намесніца старшыні - Ганна Канюс, доктар паліталогіі, настаўніца.

Структура[правіць | правіць зыходнік]

Зъезд БСДП 13 сакавіка 2016 года

Вышэйшым органам з'яўляецца З'езд, які ў адпаведнасці са Статутам партыі склікаецца не радзей чым раз у два гады. З'езд абірае старшыню партыі, намеснікаў старшыні, сябраў Цэнтральнага камітэта і Цэнтральнай рэвізійнай камісіі. У перыяд паміж з'ездамі кіруючым органам партыі з'яўляецца Цэнтральны камітэт, які збіраецца не радзей за 4 разы ў год. Выканаўчым органам партыі з'яўляецца Выканаўчы камітэт, у які ўваходзяць старшыня партыі, генеральны сакратар, намеснікі старшыні, скарбнік, старшыні абласных арганізацый, а таксама адказныя за працу ў абласцях. Выканаўчы камітэт збіраецца не радзей чым 1 раз у месяц. Старшыня БСДП мае права абірацца на пасаду не больш за тры тэрміны, па два гады кожны.

Партыя мае афіцыйна зарэгістраваныя абласныя арганізацыі ў Брэсцкай, Віцебскай, Гродзенскай, Магілёўскай і Мінскай абласцях, а таксама ў г. Мінску. Сябры БСДП пражываюць у 89 раёнах Беларусі.

У БСДП дзейнічае рабочая група "Жанчыны БСДП", Моладзь БСДП і аргкамітэт маладзёжнай арганізацыі "Маладыя сацыял-дэмакраты - Маладая Грамада". Пры ЦК БСДП працуюць пастаянныя камісіі.

Дзейнасць[правіць | правіць зыходнік]

БСДП з'яўляецца актыўнай удзельніцай палітычных кампаній па выбарах у дэпутаты мясцовых Саветаў дэпутатаў, Палаты прадстаўнікоў і Прэзідэнты Рэспублікі Беларусь. БСДП разам з іншымі дэмакратычнымі арганізацыямі актыўна ўдзельнічае ў кампаніі назірання за выбарамі "Права выбару".

У пачатку 2016 года актывісты Грамады сабралі 10 000 подпісаў за адмену Дэкрэта №3 "Аб папярэджанні сацыяльнага ўтрыманства", якія перадалі ў адміністрацыю прэзідэнта. Вясной 2017 года актывісты БСДП прымалі актыўны ўдзел у падрыхтоўцы мітынгаў пратэстаў недармаедаў з мэтай адмены прэзідэнцкага Дэкрэта №3. За ўзел і арганізацыю мітынгаў было затрымана, пакарана штрафамі і асуджана на суткі адміністрацыйнага арышту каля 20 рэгіянальных лідараў і актывістаў партыі.

Партыя з рэгулярнай перыядычнасцю выступае з палітычнымі заявамі, якія датычацца беларускамоўнага школьніцтва, дзяржаўнага фінансавання палітычных партый, дэмаркацыі беларуска-расійскай мяжы, выніках выбараў[4], увядзенні падатку на беспрацоўных, вяртанні працоўнага стажу за службу ў войску, знаходжанні ў адпачынку па догляду за дзіцяці ва ўзросце да трох год, догляду за інвалідамі і г.д.

Летам 2015 года кіраўніцтва партыі па просьбе партнёрскай арганізацыі POLISARIO звянулася з лістом у МЗС з просьбай прызнасць незалежнасць Заходняй Сахары.

Пасля зваротаў сябраў БСДП у Магілёўскі гарвыканам у абласным цэнтры з'явіліся вуліцы ў гонар Цішкі Гартнага (Зміцера Жылуновіча), Аркадзя Смоліча і братоў Гарэцкіх, а ў Мінску - вуліца Аркадзя Смоліча. У канцы 2016 года тапанімічная камісія пры Магілёўскім гарвыканкаме дала дазвол на ўсталяванне помніка Цішкі Гартнаму.

У Брэсце актывісты з рэгулярнай перыядычнасцю праводзяць лакальныя інфармацыйныя кампаніі накіраваныя на вырашэнне мясцовых праблем. Найбольш прыкметныя з іх былі "Вернем Мухавец народу!", "Вернем возера Спораў народу" і "За даступнасць адукацыі па месцы жыхарства". У 2013 годзе Брэсцкі гарвыканкам дазволіў мітынг і шэсце на 1 траўня, арганізатарам якога выступілі мясцовыя сацыял-дэмакраты. У 2018 годзе стартавала інфармацыйная кампанія "За здароўе!"

Мітынг на Дзень Волі 25 сакавіка 2017 года ў Брэсце

БСДП надае вялікую ўвагу адукацыі сябраў партыі. З гэтай мэтай у 2016 годзе была створана Сацыял-дэмакратычная акадэмія і Школа лідэрства БСДП. З рэгулярнасцю ў сталіцы і рэгіёнах праходзяць разнастайныя семінары, круглыя сталы, гурткі, сустрэчы і летнікі. Штогод актывісты БСДП прымаюць удзел у адукацыйных візітах у Швецыі.

З 2011 года выходзіць часопіс рабочай групы "Жанчыны БСДП" "Адлюстраванне".

У 2017 годзе ЦК БСДП прыняў новую "Праграму дзеянняў БСДП", якая складаецца са 120 пунктаў.

З 2018 года выходзіць аналітычны часопіс БСДП "Пазіцыя".

У 2018 і 2019 гг. стартавала акцыя БСДП "Пагоня поштай", у якой прыняла ўдзел каля 1000 чалавек. Заяўнікі атрымалі ад БСДП бясплатна налепку з гістарычным гербам "Пагоня".

У 2018 г. сябры БСДП пад кіраўніцтвам прафесара Міхаіла Пастухова распрацавалі канцэпцыю судова-прававой рэформы праект канстытуцыйнага закона "Аб судаўладкаванні ў Рэспубліцы Беларусь".

У 2018 і 2019 гг. Беларуская сацыял-дэмакратычная партыя (Грамада) была адным з заяўнікаў і арганізатараў "Дня Волі" 25 сакавіка ў Мінску. У 2018 г. актывістамі партыі было сабрана больш за 900 подпісаў за наданне 25 сакавіка (Дню Волі) статуса дзяржаўнага свята.

У 2019 г. БСДП выступіла з ініцыятывай зменаў у Закон Рэспублікі Беларусь "Аб палітычных партыях". Старшыня БСДП Ігар Барысаў быў уключаны ў склад рабочай групы пры Міністэрстве юстыцыі па распрацоўцы новай рэдакцыі закона.

25 жніўня 2019 г. ЦК БСДП зацвердзіў тэкст праекта новай рэдакцыі Канстытуцыі Рэспублікі Беларусь на базе Канстытуцыі Рэспублікі Беларусь 1994 года ў якасці партыйнай пазіцыі.

Міжнародная дзейнасць[правіць | правіць зыходнік]

Да 2013 года БСДП рэгулярна прымала ўдзел у працы камітэта Сацыялістычнага інтэрнацыяналу краін СНД, Каўказа і Чарнаморскага рэгіёну.

Пасля выхаду з Сацінтэрну значнай колькасці сацыял-дэмакратычных партый і ўтварэнні новай міжнароднай канфедэрацыі партый і рухаў пад назвай "Прагрэсіўны Альянс" БСДП далучылася да новай прагрэсіўнай плыні, дзе мае статус паўнапраўнага сябра.

БСДП мае сталыя кантакты з Партыяй Еўрапейскіх сацыялістаў (PES).

Кіраўніцтва БСДП рэгулярна прымае ўдзел у міжнародных сустрэчах, як з кіраўніцтвам братэрскіх сацыял-дэмакратычных партый, так і з чыноўнікамі, дэпутатамі і еўрадэпутатамі, адказнымі за працу і стасункі з Беларуссю.

Удзел у выбарах[правіць | правіць зыходнік]

Выбары ў мясцовыя Саветы дэпутатаў[правіць | правіць зыходнік]

У 2018 г. ад БСДП у выбарах у мясцовыя Саветы дэпутатаў прымала ўдзел 39 чалавек, якія былі вылучаны ў 54 Саветы дэпутатаў розных узроўняў. Найлепшы вынік мела Ірына Вештард, якая афіцыйна здолела перамагчы на чатырох выбарчых участках.

Выбары Колькасць галасоў % Мандаты +/– Position
2018
0 / 18111

Парламенцкія выбары[правіць | правіць зыходнік]

БСДП з моманту свайго заснавання ўдзельнічала ва ўсіх парламенцкіх выбарчых кампаніях. У 1995 годзе ў Вярхоўным Савеце XIII cклікання дзейнічала сацыял-дэмакратычная фракцыя, у якую ўваходзілі 18 дэпутатаў.

У 2000 годзе ў якасці кандыдатаў у дэпутата ад БСДП (НГ) у выбарах у Палату прадстаўнікоў Нацыянальнага сходу Рэспублікі Беларусь прымалі ўдзел 9 сябраў партыі.

Агітацыйны пікет у падтрымку кандыдата ў дэпутаты, сябра ЦК БСДП Алега Трусава, 2016 г.

У 2004 годзе БСДП прымала ўдзел у выбарах у складзе перадвыбарчага блока "Пяцёрка плюс", які меў адзіны ўзгоднены спіс кандыдатаў у дэпутаты. Ад БСДП было зарэгістравана 11 кандыдатаў у дэпутаты.

У 2008 годзе Цэнтрвыбаркам зарэгістраваў 12 з 13 ініцыятыўных груп кандыдатаў у дэпутаты ад БСДП. У 2008 годзе БСДП прымала ўдзел у парламенцкіх выбарах у складзе Аб'яднаных дэмакратычных сілаў (АДС), якія мелі ўзгоднены спіс прэтэндэнтаў у дэпутаты.

У 2012 годзе Цэнтрвыбаркам зарэгістраваў 9 ініцыятыўных груп кандыдатаў у дэпутаты ад БСДП.

У 2016 годзе у склад акруговых выбарчых камісій вылучыла 14 чалавек, у склад тэрытарыяльных - 3. БСДП партыйным з'ездам вылучыла 34 кандыдаты ў дэпутаты. 29 з іх падалі дакументы на рэгістрацыю ў акруговыя выбарчыя камісіі, з якіх былі зарэгістраваны кандыдатамі ў дэпутаты 27 чалавек. Партыя прымала самастойны ўдзел у выбарах не ўваходзячы ні ў якія перадвыбарчыя блокі і кааліцыі. Афіцыйна за БСДП прагаласавала больш за 66 тысяч чалавек.

У 2019 годзе БСДП у склад акруговых выбарчых камісій вылучыла 35 чалавек, у склад тэрытарыяльных - 3. Патрапіла ў акруговыя камісіі 4 чалавекі (Па аднаму ў Дуброўна, Мастах, Пінску і Салігорску). Судовыя абскарджанні аб неўключэнні сябраў БСДП у акруговыя і тэрытарыяльныя камісіі ў Брэсце, Мінску і Мінскай вобласці не далі станоўчых вынікаў. Платформа БСДП была надрукавана ў газеце "Народная Воля". Ва ўчастковыя выбарчыя камісіі ў Брэсце і Мінску было вылучана 54 чалавекі. Ніхто з вылучэнцаў не патрапіў у склад участковых выбарчых камісій. БСДП партыйным з'ездам вылучыла 50 кандыдатаў у дэпутаты. 41 з іх падаў дакументы на рэгістрацыю ў акруговыя выбарчыя камісіі.

Выбары Колькасць галасоў % Мандаты +/– Position
1995
18 / 260
2000
0 / 110
0
2004
0 / 110
0 0
2008
0 / 110
0 0
2012
0 / 110
0 0
2016 66000
0 / 110
0 0
2019

Прэзідэнцкія выбары[правіць | правіць зыходнік]

БСДП двойчы ў гісторыі падтрымлівала партыйным з'ездам кандыдатаў у прэзідэнты.

У 1994 годзе партыйным з'ездам быў падтрыманы Станіслаў Шушкевіч, які па выніках першага тура галасавання набраў 10% галасоў.

У 2001 годзе сябры БСДП прымалі актыўны ўдзел у працы выбарчых штабоў Сямёна Домаша, Міхаіла Чыгіра і Уладзіміра Ганчарыка.

У 2006 годзе партыйным з'ездам быў падтрымала старшыня БСДП Аляксандр Казуліна, які па афіцыйных выніках галасавання набраў 2,3% галасоў.

У 2010 годзе сябры БСДП працавалі ў выбарчых штабах Міколы Статкевіча, Уладзіміра Някляева, Андрэя Саннікава і Яраслава Раманчука.

У 2015 годзе частка рэгіянальных актывістаў БСДП прымала ўдзел у выбарчай кампаніі актывісткі "Гавары праўду" Таццяны Караткевіч. Агулам сацыял-дэмакраты заявілі пра 19 500 сабраных подпісаў у яе падтрымку.

Агітацыйны пікет у падтрымку Таццяны Караткевіч у Наваполацку

Гісторыя[правіць | правіць зыходнік]

2 сакавіка 1991 г. была створаная Беларуская сацыял-дэмакратычная Грамада. Старшынёй партыі быў абраны Міхась Ткачоў. У кіраўніцтва БСДГ увайшлі Алег Трусаў (пасля смерці М. Ткачова ён узначаліў партыю), Анатоль Гурыновіч, Мікалай Статкевіч, Віталь Малашка.

У 1995 годзе пры ўдзеле Партыі Народнай Згоды быў створаны Сацыял-дэмакратычны Саюз (СДС). Да аб'яднальнага працэсу падлучылася гурт беспартыйных дзеячаў, у прыватнасці Старшыня Вярхоўнай Рады Беларусі ХII склікання Мечыслаў Грыб.

29 чэрвеня 1996 адбыліся пазачарговыя з'езды БСДГ і ПНЗ, якія прынялі рашэнне аб зліцці ў адну Беларускую сацыял-дэмакратычную партыю Народная Грамада. У той жа дзень мінуў Устаноўчы з'езд БСДП.

У БСДП не ўвайшлі праўладна настроеныя члены ПНЗ, а таксама прыхільнікі лібералізму, у тым ліку А. Трусаў, Г. Карпенка, У. Ганчар. У самой жа БСДП (НГ) не спыняліся спрэчкі і ўнутрапартыйная барацьба. У 2001 годзе па гэтых прычынах, а таксама з-за стылю кіравання Н. Статкевіча, партыю пакінула амаль палова яе членаў, у тым ліку М. Грыб, А. Кароль, Л. Лойка, А. Сідарэвіч, М. Чарняўскі.

У пачатку мая 1999 Міністэрства юстыцыі Рэспублікі Беларусь вынесла папярэджанне БНП за ўдзел іх прадстаўнікоў у абвешчаных Цэнтральнай выбарчай камісіяй пад кіраўніцтвам В. Ганчара «альтэрнатыўных» выбарах прэзідэнта Рэспублікі Беларусь.

Улетку 2004 г. пачаўся другі крызіс у партыі, які завяршыўся ў снежні. У студзені 2005 г. мінуў IX з'езд БСДП. Яе старшынёй быў абраны Анатоль Ляўковіч. Пачаўся працэс вяртання ў партыю яе ранейшых членаў. 24 чэрвеня 2005 г. БСДП была перарэгістравана як Беларуская сацыял-дэмакратычная партыя (Грамада). 24 ліпеня 2005 на X пазачарговым з'ездзе яе новым лідарам абраны Аляксандр Казулін, былы рэктар БДУ і міністр; намеснікам старшыні — А. Ляўковіч. Таксама абраны Цэнтральны Камітэт БСДП (Грамада) у складзе 62 чалавек.

3 жніўня 2008 Анатоль Ляўковіч зноў становіцца старшынёй партыі. 10 кастрычніка 2010 старшынёй партыі абраны Анатоль Сідарэвіч, але з'езд не прызнала Міністэрства юстыцый і некаторыя члены партыі. Гэтыя падзеі вынясуць унутрыпартыйны канфлікт на публіку [5].

5 чэрвеня 2011 г. новым кіраўніком партыі на паўторным XIII з'ездзе была абрана Ірына Вештард, за якую прагаласавала 77 дэлегатаў з 85[6]. 23 жніўня 2011 Мінюст РБ адмовіўся прызнаваць легітымным чэрвеньскі з'езд БСДП(Г)[7][8]. Адзіная арганізацыя, якая выступіла ў падтрымку партыі, стаў Расійскі сацыял-дэмакратычны саюз моладзі[9]. РСДСМ заявіў аб тым, што лічыць рашэнне Мінюста «палітычна матываваным»[10].

У верасні 2011 Анатоль Ляўковіч, які па-ранейшаму лічыць сябе кіраўніком партыі, разам з шасцю аднапартыйцамі пагадзіўся пачаць перамовы з уладамі без вызвалення і рэабілітацыі палітвязняў[11]. Ірына Вештард, абраная кіраўніком большасцю членаў партыі, паведаміла, што Ляўковіч не абмяркоўваў сваю заяву ў партыі[12].

18 сакавіка 2012 прайшоў з'езд партыі, паколькі папярэдні з'езд не быў прызнаны Міністэрствам юстыцыі, і ў партыі афіцыйна не было ні старшыні, ні кіруючага органа, ні цэнтральнага камітэта партыі, ні цэнтральнай рэвізійнай камісіі.

Старшыні БСДП[правіць | правіць зыходнік]

Міхась Ткачоў (2 сакавіка 1991 г. - 31 кастрычніка 1992г .)

Сацыял-дэмакраты на магіле Міхася Ткачова ў Менску 10 сакавіка 2017 года

Алег Трусаў (1992 г. - 1995 г.)

Мікалай Статкевіч (1995 г. - 19 лютага 2005 г.)

Анатоль Ляўковіч (19 лютага 2005 г. - 25 чэрвеня 2006 г.)

Аляксандр Казулін (25 чэрвеня 2006 г.- 3 жніўня 2008 г.)

Анатоль Ляўковіч (3 жніўня 2008 г. - 10 кастрычніка 2010 г.)

Анатоль Сідарэвіч (10 кастрычніка 2010 г.- 5 чэрвеня 2011 г.)

Ірына Вештард (5 чэрвеня 2011 г. - па 11 сакавіка 2018 г.)

Ігар Барысаў (11 сакавіка 2018 г. - па дадзены момант).

Ушанаваныя сябры Грамады[правіць | правіць зыходнік]

У Мсціславе і Гродна на будынках, дзе працаваў першы старшыня БСДГ Міхась Ткачоў у яго гонар вісяць мемарыяльныя шыльды.

Шыльда ў гонар Міхася Ткачова ў Мсціславе

У Магілёве ў гонар сябра БСДП (НГ), заслужанага работніка культуры БССР, акцёра і рэжысёра Валянціна Ермаловіча на д.46 па вуліцы Першамайскай вісіць мемарыяльная шыльда.

У Мінску на факультэце міжнародных дачыненняў Белдзяржуніверсытэта ў гонар прафесара і аднаго з тэарэтыкаў БСДП (НГ) Леаніда Лойкі названа аўдыторыя.

Цікавыя факты[правіць | правіць зыходнік]

На адкрыцці кожнага партыйнага з'езду дэлегаты БСДП спяваюць "Інтэрнацыянал" у перакладзе на словы Янкі Купалы.

У БСДП прынята звяртацца да партыйцаў выкарыстоўваючы слова "таварыш".

Лідары і актывісты БСДП традыцыйна наведваюць вайсковыя могілкі ў Менску 8 траўня, дзе ўскладаюць кветкі ў памяць аб загінулых у Другую сусветную вайну.

Пад Канстытуцыяй 1994 года стаіць подпіс тагачаснага старшыня Вярхоўнага Савета і Генеральнага сакратара БСДП Мечыслава Грыба.

БСДП з'яўляецца адзінай апазіцыйнай афіцыйна зарэгістраванай сацыял-дэмакратычнай партыяй у Беларусі з левацэнтрысцкай ідэалогіяй. БСДГ, якая таксама мае дзяржаўную рэгістрацыю і знаходзіцца ў апазіцыі, нягледзячы на назву з'яўляецца правацэнтрысцкай партыяй.

У 2000 годзе старшыня БСДП Ірына Вештард у першым туры выбараў у Палату прадстаўнікоў па Смаргонскай выбарчай акрузе №61 атрымала 49,8% галасоў.

У 2004 годзе на Гродзенскай-Цэнтральнай выбарчай акрузе №52, дзе балатаваўся сябра БСДП Валянцін Аскірка ніхто з двух кандыдатаў у дэпутаты не здолеў набраць больш за 50% галасоў. Валянцін Аскірка афіцыйна набраў - 33,2%, праўладная кандыдатка Людміла Сяўко - 46,9%. У выніку была прынятая пастанова ЦВК аб правядзенні паўторных выбараў, у якіх перамогу атрымаў рэктар Гродзенскага дзяржаўнага ўніверсітэта імя Янкі Купалы Сяргей Маскевіч. Гэта была адзіная акруга, дзе выбары не адбыліся з першага тура.

У 2010 годзе пасля паразы на XIII з'ездзе БСДП Анатоль Ляўковіч адмовіўся перадаць пячатку спачатку Анатолю Сідарэвічу, а затым Ірыне Вештард. Старая пячатка БСДП дагэтуль знаходзіцца ў яго.

Гл. таксама[правіць | правіць зыходнік]

Зноскі

  1. Список политических партий зарегистрированных Министерством юстиции Республики Беларусь http://www.rec.gov.by/sites/default/files/pdf/Elections-MS27-polit_part.pdf
  2. Спіс палітычных арганізацый, якія ўваходзяць у Прагрэсіўны Альянс
  3. Праграма Беларускай сацыял-дэмакратычнай партыі (Грамады)
  4. Хартия-97 Заява БСДП (Грамада): «Улада завысіла агульны працэнт яўкі выбаршчыкаў на ўчасткі» https://charter97.org/be/news/2008/10/2/10800/
  5. Палітычны дуэль: Ляўковіч vs Маслоўскі
  6. Ирина Вештард избрана новым руководителем БСДП (Грамада), Белорусские новости (05.06.2011)
  7. О ситуации в Белорусской социал-демократической партии (Грамада)
  8. Белорусский Минюст отказывается признавать результаты июньского съезда БСДП(Г)
  9. Странная любовь Минюста и Левковича
  10. РСДСМ: проблемы ў белорусских эсдеков — это новый вызов для социал-демократии, сравнимый с терактом в Норвегии
  11. Семеро социал-демократов готовы на диалог с Лукашенко
  12. Ирина Вештард: члены БСДП (Грамада) не обсуждали заявление о переговорах с властями

Спасылкі[правіць | правіць зыходнік]