Беларуска-ўкраінская граніца

Асноўны артыкул: Дзяржаўная граніца Беларусі

Міждзяржаўная граніца
Граніца дзяржаў	Беларусь Украіна
Час існавання	з 1991
Працягласць	1084 км

Карта Рэчы Паспалітай пасля Люблінскай уніі з пазначэннем граніц

Беларуска-ўкраінская граніца – дзяржаўная граніца паміж Рэспублікай Беларусь і Украінай.

Працягласць граніцы паміж дзвюма краінамі – каля 1 084 км.

Гісторыя

Сучасная беларуска-ўкраінская граніца – гэта былая адміністрацыйная мяжа паміж БССР і УССР.

У мінулым прыблізна гэтаксама праходзіў падзел паміж Вялікім Княствам Літоўскім і Каралеўствам Польскім згодна з Люблінскай уніяй.

Пасля падзелаў Рэчы Паспалітай падобны выгляд мела мяжа паміж Паўночна-Заходнім і Паўднёва-Заходнім краямі Расійскай імперыі.

У ХХ стагоддзі вызначэнне мяжы адбывалася ў некалькі этапаў:

• 1917–1922 гг. – перыяд станаўлення беларускай і ўкраінскай нацыянальнай дзяржаўнасці;
• 1923–1926 гг. – узбуйненне тэрыторыі БССР;
• 1939 год – далучэнне Заходняй Беларусі да БССР.

Статус граніцы

8 снежня 1991 года паміж дзяржавамі, якія набылі дзяржаўны суверэнітэт, было заключана Белавежскае пагадненне, паводле якога прызнавалася «недатыкальнасць існуючых межаў».

Пастановай Вярхоўнага Савета Рэспублікі Беларусь ад 11 чэрвеня 1993 года № 2379-XII межам краіны з былымі савецкімі рэспублікамі прысвоены статус дзяржаўнай граніцы.

На сённяшні дзень, дзяржаўная граніца паміж Беларуссю і Украінай рэгулюецца Дагаворам аб дзяржаўнай граніцы ад 12 мая 1997 года, якая у той самы год была ратыфікавана Вярхоўнай Радай Украіны, а ў 2010 і Нацыянальным сходам Рэспублікі Беларусь, аднак тады бакі не абмяняліся ратыфікацыйнымі граматамі.

Абмен ратыфікацыйнымі граматамі адбыўся падчас візіту Аляксандра Лукашэнкі ў Кіеў 18 чэрвеня 2013 года. Працэс ратыфікацыі завяршыўся нягледзячы на тое, што Украіна так і не выплаціла дзяржаўны доўг, на існаванні якога настойваў афіцыйны Мінск.

Восенню 2025 года Беларусь завяршыла работы па дэмаркацыі сухапутнай мяжы з Украінай.