Беларускі работнік
| «Беларускі работнік» | |
|---|---|
| Тып | газета |
| Заснавана | 1943 |
| Спыненне публікацый | 1944 |
| Мова | беларуская |
| Галоўны офіс | |
«Беларускі работнік» — штотыднёвая газета для беларусаў, якія добраахвотна выехалі або прымусова былі вывезены як рабочая сіла ў Германію ў перыяд акупацыі. Выдавалася на беларускай мове ў Берліне (пач. 1943 — сяр. 1944), газету курыравала Беларускае прадстаўніцтва пры Міністэрстве ўнураных спраў Германіі. Выйшла не менш за 41 нумар.
Друкавала агляды міжнароднага жыцця, навукова-папулярныя і пазнавальныя матэрыялы (рубрыка «З усяго свету»), свецкую хроніку. У рубрыцы «Весткі з Беларусі» інфармавала пра дзейнасць нацыяналістычных калабарацыянісцкіх арганізацый, публікавала артыкулы і нарысы па гісторыі і культуры Беларусі, вершаваныя і празаічныя творы асобных беларускіх аўтараў. Частка матэрыялаў з’яўлялася перадрукам з беларускіх акупацыйных газет. Для публікацый «Беларускага работніка» былі характэрныя спрошчанасць і пранацысцкая тэндэнцыйнасць у асвятленні падзей.
Рэдактары В. Тумаш, С. Грынкевіч.[1]
Крыніцы
[правіць | правіць зыходнік]- ↑ Жумар С. У. «Беларускі работнік» // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.
Спасылкі
[правіць | правіць зыходнік]- «БЕЛАРУСКІ РАБОТНІК» на сайце анлайн-энцыклапедыі «Беларуская энцыклапедыя»