Бенядзікт Кляйноў

Бенядзікт Кляйноў
Бенядыкт Кляйноў
Дата нараджэння	14 сакавіка 1926(1926-03-14)
Месца нараджэння	Наваельня, гміна Дварэц, Навагрудскі павет, Навагрудскае ваяводства, Польская Рэспубліка
Дата смерці	17 ліпеня 1985(1985-07-17) (59 гадоў)
Месца смерці	Лідс, Сіці-оф-Лідс[d], Заходні Ёркшыр, Англія, Вялікабрытанія
Месца пахавання	Брэдфард
Альма-матар	Навагрудская беларуская гімназія Афіцэрскія курсы БКА Манчэстэрскі ўніверсітэт
Член у	Згуртаванне беларусаў у Вялікай Брытаніі Згуртаванне беларускіх камбатантаў[d]

Бенядзікт Кляйноў (14 сакавіка 1926, в. Наваельня, цяпер Дзятлаўскі раён — 17 ліпеня 1985, Брадфард, Вялікабрытанія) — беларускі грамадскі дзеяч.

Біяграфія

Нарадзіўся 14 сакавіка 1926 года ў Наваельні Навагрудскага павета ў Польскай Рэспубліцы.

Вучыўся ў Навагрудскай беларускай гімназіі. Быў курсантам Мінскай афіцэрскай школы БКА, з якой трапіў у 30-ю грэнадзёрскую дывізію СС, а адтуль, здаўшыся саюзнікам, у 2-гі Польскі корпус.

У 1946 годзе разам з 2-м Польскім корпусам прыбыў у Вялікабрытанію. З 19 студзеня 1947 года быў сябрам Згуртавання беларусаў у Вялікабрытаніі, кіраваў прэзідыумам Першага з’езду арганізацыі, пазней быў сябрам Галоўнай управы. Атрымаў дыплом будаўнічага інжынера ў Манчэстэрскім універсітэце. У 1949 годзе быў адным з ініцыятараў стварэння Згуртавання беларускіх камбатантаў, кіраваў дружынай у Манчэстэры. Потым пераехаў ў Брадфард. Уваходзіў ва ўправу Беларускага грамадскага клуба «Сакавік» у Брадфардзе. Быў актывістам БАПЦ, кіраваў Вікарыяльнай управай БАПЦ у Вялікабрытаніі і быў старшынёй парафіяльнага камітэта прыхода Св. Спаса ў Брадфардзе.

Памёр 17 ліпеня 1985 года ў шпіталі Св. Якава ў Лідсе. Пахаваны ў Брадфардзе.

Літаратура

• Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.