Берлінская вышэйшая школа музыкі імя Эйслера

Берлінская вышэйшая школа музыкі імя Эйслера
ням.: Hochschule für Musik „Hanns Eisler“ Berlin
Заснаваны	1950
Студэнты	532
Краіна	Германія
Размяшчэнне	Берлін
Сайт	hfm-berlin.de (ням.) hfm-berlin.de/en/ (англ.)
Медыяфайлы на Вікісховішчы

Берлінская вышэйшая школа музыкі імя Эйслера (ням.: Hochschule für Musik „Hanns Eisler“ Berlin) — нямецкая кансерваторыя ў Берліне.

Была заснавана ў 1949 годзе Міністэрствам народнай адукацыі ГДР у сувязі з тым, што ранейшыя вышэйшыя музычныя навучальныя ўстановы Берліна засталіся ў ягоным заходнім сектары, і адкрылася для заняткаў у 1950 годзе. Імя Ганса Эйслера, які выкладаў у ёй, было прысвоена Вышэйшай школе музыкі пасля яго смерці ў 1964 годзе.

Першым кіраўніком кансерваторыі стаў Георг Кнеплер, сярод прафесараў першага складу было некалькі прыкметных музыкантаў — у прыватнасці, Рудольф Вагнер-Рэгені і Карл Адольф Марцінсен.

У 1953 годзе ў кансерваторыі было адкрыта аддзяленне рэжысуры музычнага тэатра, у 1965 годзе пры кансерваторыі адкрылася сярэдняя спецыяльная музычная школа (з 1991 года Гімназія імя Карла Філіпа Эмануэля Баха). У 2005 годзе Вышэйшая школа музыкі імя Эйслера і Берлінскі ўніверсітэт мастацтваў сумесна заснавалі Берлінскі інстытут джаза.

Рэктары

• Георг Кнеплер (1950—1959)
• Эберхард Рэблінг (1959—1971)
• Дзіцер Цэхлін (1971—1982)
• Олаф Кох (1982—1986)
• Эрхард Рагвіц (1986—1989)
• Рут Цэхлін (1990)
• Анерозе Шмит (1990—1995)
• Крыстаф Попен (1995—2000)
• Крыстхард Гёслінг (2000—2008)
• Ёрг Петэр Вайгле (2008—2012)
• Штэфан Віліх (2012—2014)