Бечы

Вёска Бечы Краіна Беларусь Вобласць Гомельская Раён Жыткавіцкі Сельсавет Азяранскі Каардынаты 52°01′26″ пн. ш. 27°53′13″ у. д. Першая згадка XVIII стагоддзе Насельніцтва 141 чалавек (2004) Часавы пояс UTC+3 Тэлефонны код +375 2353 Паштовыя індэксы 249993 Аўтамабільны код 3 СААТА 3216832011 Бечы на карце Беларусі ±

Бе́чы (трансліт.: Biečy, руск.: Бечи) — вёска ў Жыткавіцкім раёне Гомельскай вобласці. Уваходзіць у склад Азяранскага сельсавета.

На поўдні нацыянальны парк «Прыпяцкі».

Геаграфія

Размяшчэнне

За 36 км на поўдзень ад раённага цэнтра і чыгуначнай станцыі Жыткавічы (на лініі Лунінец — Калінкавічы), 269 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Тураў — Лельчыцы. Планіроўка складаецца з 2 просталінейных, шчыльна размешчаных вуліц, блізкіх да шыротнай арыентацыі. Забудова драўляная, сядзібнага тыпу.

Гісторыя

Выяўленае археолагамі гарадзішча ранняга жалезнага стагоддзя (у 1 км на поўдзень ад вёскі) сведчыць пра засяленне гэтых месцаў з даўніх часоў. Паводле пісьмовых крыніц вядомая з XVIII стагоддзя як паселішча ў Мазырскім павеце Менскага ваяводства Вялікага Княства Літоўскага. Пасля 2-га падзела Рэчы Паспалітай (1793 год) у складзе Расійскай імперыі. У 1811 годзе валоданне казны. У 1834 годзе ў Тураўскім казённым маёнтку.

У 1930 годзе арганізаваны калгас «Дзень ураджая», працавала гамарня. Падчас Вялікай Айчыннай вайны ў ліпені 1943 года нямецкія акупанты спалілі 76 двароў і забілі 27 жыхароў. Падчас наступу савецкіх войскаў мясцовы жыхар А. А. Ярмоленка правёў па малапрыкметных сцяжынках праз цяжкапраходныя балоты батальён савецкіх салдат у тыл суперніка, чым дапамог разграміць варожы гарнізон у вёсцы. За адвагу ў баю, знаходлівасць і дапамогу Чырвонай Арміі А. А. Ярмоленка быў узнагароджаны ордэнам Чырвонай Зоркі. Вызвалена 21 сакавіка 1944 года. 25 жыхароў загінулі на франтах. Паводле перапісу 1959 года ў складзе калгасу «Савецкая Беларусь» (цэнтр — вёска Азяраны). Дзейнічае бібліятэка.

Насельніцтва

Колькасць

• 2004 год — 74 гаспадаркі, 141 жыхар.

Дынаміка

• 1811 год — 18 двароў.
• 1816 год — 62 жыхара.
• 1834 год — 24 двары, 156 жыхароў.
• 1897 год — 45 двароў 236 жыхароў (паводле перапісу).
• 1917 год — 351 жыхар.
• 1925 год — 85 двароў.
• 1940 год — 312 жыхароў.
• 1959 год — 474 жыхара (паводле перапісу).
• 2004 год — 74 гаспадаркі, 141 жыхар.

Вядомыя асобы

• Мікалай Міхайлавіч Паграноўскі (нар. 1952) — беларускі мастацтвазнавец, мастацкі крытык, куратар і галерыст.
• Уладзімір Іванавіч Торчык (нар. 1954) — вучоны ў галіне інтрадукцыі і зялёнага будаўніцтва.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх