Блохі

	Блохі
	; Блыха чалавечая (Pulex irritans)
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Навакрылыя насякомыя
Без рангу:	Antliophora
Атрад:	Блохі
Міжнародная навуковая назва
	Siphonaptera Latreille, 1825
Сінонімы
	Suctoria; Aphaniptera;
Сямействы
	Ancistropsyllidae; Ceratophyllidae; Chimaeropsyllidae (Hypsophthalmidae); Coptopsyllidae; Ischnopsyllidae; Hystrichopsyllidae (Ctenopsyllidae); Leptopsyllidae (Amphipsyllidae, Dolichopsyllidae); Lycopsyllidae; Macropsyllidae; Malacopsyllidae; Pulicidae; Pygiopsyllidae; Rhopalopsyllidae; Stephanocircidae; Stivaliidae; Tungidae; Vermipsyllidae; Xiphiopsyllidae;
ITIS	152732
NCBI	7509
EOL	1062
FW	137071

Блохі (Siphonaptera) — атрад крывасосных насякомых, вонкавыя паразіты цеплакроўных жывёл (млекакормячых, птушак) і чалавека.

Назва

Навуковая назва лац.: Siphonaptera ад стар.-грэч.: σίφων — помпа, ἄπτερον — бяскрылае.

Беларускае напісанне ў адзіночным ліку блыха^[1].

Апісанне

Даўжыня цела 0,5—6 мм. Самцы драбнейшыя за самак. Цела пляскатае з бакоў, укрыта хіцінавым покрывам з валаскамі або шчацінкамі.

Блохі другасна бяскрылыя. Яны цалкам страцілі крылы ў працэсе прыстасавання да эктапаразітызму ў імагінальнай фазе. Заднія ногі скакальныя.

На галаве пара простых вачэй (некаторыя сляпыя). Вускі схаваныя ў паглыбленнях. Ротавы апарат колюча-сысучы. Блохі валодаюць вузкаспецыялізаваным ротавым апаратам, прызначаным для праколвання покрываў гаспадара і высмоктвання крыві.

Развіццё з поўным ператварэннем. Лічынкі чэрвепадобныя, бязногія, пазбаўлены вачэй. Акукліванне ў кокане.

Лічынкі кормяцца арганічнымі рэшткамі і экскрэментамі дарослых блох, дарослыя — крывёй.

Вядома больш 2380 відаў блох. Атрад уключае больш за 200 родаў, якія аб’ядноўваюцца ў 15 сямействаў. Найбольш вядомыя блыха чалавечая (Pulex irritans), блыха кашэчая (Ctenocephalides felis), блыха сабачая (Ctenocephalides canis).

Многія з’яўляюцца пераносчыкамі розных узбуджальнікаў хвароб чалавека і жывёл, у т.л. чумы, тулярэміі і інш. Прамежкавыя гаспадары некаторых відаў гельмінтаў. Меры барацьбы: санітарна-гігіенічныя, хімічныя.

Крыніцы

↑ Напісанне Блохі і Блыха ў адпаведнасці з Тлумачальным слоўнікам беларускай літаратурнай мовы. Мн.:БелЭн, 2002, С.90.

Літаратура

Блохі // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

[pr-1] Напісанне Блохі і Блыха ў адпаведнасці з Тлумачальным слоўнікам беларускай літаратурнай мовы. Мн.:БелЭн, 2002, С.90.

[1]