Бой за базу агнявой падтрымкі «Голд»

З пляцоўкі Вікіпедыя
Jump to navigation Jump to search
Бой за базу агнявой падтрымкі «Голд»
Асноўны канфлікт: Вайна ў В’етнаме
Дата 21 сакавіка 1967
Месца Паўднёвы В’етнам
Вынік перамога ЗША
Праціўнікі
Сцяг В'етконга В’етконг Сцяг ЗША ЗША
Камандуючыя
невядома Джэймс Грымслей
Сілы бакоў
2500 чалавек 450 чалавек
Страты
647 загінулых 31 загінулых

Бой за базу агнявой падтрымкі «Голд» (таксама вядома як бой пры Суоі-Чэ) — боесутыкненне паміж сіламі ЗША і В’етконгам, што адбылося ў сакавіку 1967 года падчас вайны ў В’етнаме.

Бой[правіць | правіць зыходнік]

У сакавіку 1967 года амерыканскія войскі праводзілі ў правінцыі Тэйнінь аперацыю «Junction City», найбуйнейшую з пачатку вайны. Для аказання пяхоце артылерыйскай падтрымкі будаваліся спецыяльныя ўмацаваныя базы, дзе артылерыя была добра абаронена ад нападаў сіл В’етконга. Адной з іх была база агнявой падтрымкі «Голд».

Раніцай 21 сакавіка база, на якой у той момант знаходзілася каля 450 амерыканскіх салдат, падвергнулася моцнаму абстрэлу, за якім рушыла ўслед наземная атака палка В’етконга колькасцю каля 2500 чалавек. Бой працягваўся з 6 гадзін 30 хвілін да 10 гадзін 45 хвілін. В’етконгаўцам, якія ішлі ў атаку «людской хваляй», удалося прарваць першую лінію абароны базы, справа нават дайшла да рукапашных сутычак. У амерыканцаў заканчваліся боепрыпасы, калі ім на дапамогу прыбыло танкавае падраздзяленне, якое дыслакавалася за некалькі кіламетраў ад базы. Танкі пачалі наносіць надыходзячым вялікія страты, у выніку чаго в’етконгаўцы спынілі атаку і сталі дэзарганізавана адступаць. База засталася ў руках амерыканцаў.

Бой быў вельмі кровапралітным — загінулі 31 амерыканец і 647 в’етнамцаў[1].

Адлюстраванне ў мастацтве[правіць | правіць зыходнік]

Зноскі

  1. Soldiers who saw hell are reuniting here. Архівавана з першакрыніцы 21 лютага 2014. Праверана 23 жніўня 2013.

Спасылкі[правіць | правіць зыходнік]