Бора Чосіч

Бора Чосіч
Bora Ćosić
Асабістыя звесткі
Дата нараджэння	5 красавіка 1932(1932-04-05)[…] (93 гады)
Месца нараджэння	Заграб, Каралеўства Югаславія
Грамадзянства	Сербія
Альма-матар	філасофскі факультэт Бялградскага ўніверсітэта[d]
Прафесійная дзейнасць
Род дзейнасці	пісьменнік, эсэіст, перакладчык, драматург
Гады творчасці	1962—2002
Мова твораў	харвацкі
Дэбют	«Vidljivi i nevidljivi čovek»
Прэміі	Stefan Heym International Award[d] (2011) прэмія часопіса НИН[d] (1969) Лейпцыгская кніжная прэмія за ўнёсак у еўрапейскае ўзаемаразуменне[d] (2002) Albatros Literaturpreis[d] (2008)
Узнагароды	Straelen Translator’s Prize provided by Kunststiftung NRW[d] (2016)

Бора Чосіч (па-сербску Бора Ђосић/Bora Ćosić; 5 красавіка 1932, Заграб) — сербскі і харвацкі празаік, эсэіст, публіцыст.

Біяграфія

Бора Чосіч нарадзіўся ў Харватыі, аднак, калі яму было 5 год, сям'я пісьменніка пераехала ў Бялград, дзе ён пражыў больш за паўстагоддзя, да пачатку грамадзянскай вайны, калі эміграваў у Германію. Вывучаў філасофію ў Бялградскім універсітэце, працаваў у рэдакцыях розных часопісаў і на кінастудыі. Як пісьменнік дэбютаваў у сярэдзіне 50-ых гадоў. Аўтар больш за 30 кніг.

Жыве ў Берліне.

Творчасць

Найважнейшы твор пісьменніка — апублікаваная ў 1969 годзе аповесць «Роля маёй сям'і ў сусветнай рэвалюцыі» («Uloga moje porodice u svetskoj revoluciji»). Гумарыстычная аповесць-хроніка, у якой у асаблівым аўтарскім стылі распавядаецца гісторыя тыповай сербскай сям'і падчас Другой сусветнай вайны. Была экранізавана.

Урывак з «Ролі маёй сям'і ў сусветнай рэвалюцыі»:

Мама звычайна спявала песні, прасуючы бялізну, нягледзячы на зубны боль. Вечарам мы гулялі ў незвычайную гульню «Ня зліся, чалавеча!». Потым мяне павялі да лекара, лекар спытаў: «Ён ва сне дрыгаецца?» Мама адказала: «Дрыгаецца!» Лекар нешта пісаў, пасля сказаў: «Гэта псіхічная траўма ў выніку заўчаснага няўмеранага ўдзелу ў напружанай гульні!» Потым сказаў мне: «Глядзі на аблокі і ні пра што не думай!» Я адказаў: «Добра!» Мама купіла мне кубікі; я сказаў: «Гэта лухта!» Я хацеў чытаць кнігу «Незвычайныя прыгоды Карыка і Валі», рускага паходжання. Мама сказала: «Гэта цябе пагубіць!» Я сказаў: «Ну і няхай!»

Творы

• «Vidljivi i nevidljivi čovek», 1962
• «Sodoma i Gomora», 1963
• «Uloga moje porodice u svetskoj revoluciji», 1969
• «Poslovi/sumnje/snovi Miroslava Krleže», 1983
• «Doktor Krleža», 1988
• «Dnevnik apatrida», 1993
• «Dobra vladavina i psihopatologija njenog svakodnjevlja», 1995
• «Carinska deklaracija», 2000