Бражнік асінавы

З Вікіпедыі, свабоднай энцыклапедыі
Бражнік асінавы
Навуковая класіфікацыя
Міжнародная навуковая назва

Laothoe amurensis Staudinger, 1892

Падвіды
  • Laothoe amurensis amurensis
  • Laothoe amurensis sinica

Сістэматыка
на Віківідах

Выявы
на Вікісховішчы
NCBI  761848
EOL  506740

Бражнік асінавы (Laothoe amurensis) — матыль з сямейства бражнікаў.

Апісанне[правіць | правіць зыходнік]

Матыль вялікі, з масіўным брушкам. Размах крылаў 80—90 мм. Крылы цёмна-шэрыя з бураватым адценнем і слабым больш цёмным малюнкам з хвалістых палос рознай шырыні плям. Заднія крылы колерам і малюнкам падобныя да пярэдніх. Крылы звонку слаба вышчарбленыя, пры аснове крылаў — цёмна-шэры пух.

Арэал[правіць | правіць зыходнік]

Еўрасібірскі від, у Беларусі адзначаны ў паўночнай і цэнтральнай частках. Месцы пражывання: цёмныя, густыя лісцевыя і мяшаныя лясы.

Экалогія[правіць | правіць зыходнік]

Дае адно пакаленне за год. Лёт матылёў у траўні-чэрвені. Вусені тоўстыя, жоўта-зялёныя, з косымі жоўтымі палоскамі па баках і бела-жоўтай зярністасцю па ўсім целе. Жывуць у чэрвені-ліпені на асінах. Акукліваюцца ў зямлі. Кукалка зімуе.

Літаратура[правіць | правіць зыходнік]

Зубр еўрапейскі Гэты від занесены ў Чырвоную кнігу Беларусі і ахоўваецца законам.
III катэгорыя (VU) 
  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: Беларуская Энцыклапедыя, 1993. ISBN 5-85700-095-5