Браніслаў Адольфавіч Кежун

Браніслаў Адольфавіч Кежун
Асабістыя звесткі
Дата нараджэння	8 верасня 1914(1914-09-08) ці 26 жніўня (8 верасня) 1914
Месца нараджэння	Санкт-Пецярбург, Расійская імперыя
Дата смерці	23 красавіка 1984(1984-04-23) (69 гадоў)
Месца смерці	Масква, РСФСР, СССР
Грамадзянства	СССР
Прафесійная дзейнасць
Род дзейнасці	пісьменнік, паэт, перакладчык, журналіст, ваенны карэспандэнт
Жанр	лірыка, пародыя, сатыра і эпіграма
Мова твораў	руская
Грамадская дзейнасць
Член у	Саюз пісьменнікаў СССР
Узнагароды

Браніслаў Адольфавіч Кежун (руск.: Бронислав Адольфович Кежун; 8 верасня 1914(1914-09-08) ці 26 жніўня (8 верасня) 1914, Санкт-Пецярбург — 23 красавіка 1984(1984-04-23), Масква) — расійскі паэт і перакладчык.

Біяграфія

Аўтар зборнікаў паэзіі «Радзіма» (1935), «Дарогі ў свет» (1939), «Балтыйскія зоркі» (1959), «Запаветныя агні» (1962), «Шляхі-дарогі дальнія» (1970), «Дыханне зямлі» (1977) і інш.

Падарожнічаў па Беларусі, напісаў артыкулы пра Я. Купалу «Ад сэрца» (1972), успаміны пра П. Глебку «На Няве і на Бодзе» (у кнізе «Пясняр мужнасці», 1976), вершы «Беларускай зямлі», «Брэст», «Беларускім паэтам» і інш. Адзін з перакладчыкаў на рускую мову «Анталогіі беларускай паэзіі» (1948), зборнікаў вершаў беларускіх паэтаў «Беларусь мая» (1983), асобных твораў Я. Купалы, Я. Коласа, П. Броўкі, К. Буйло, М. Калачынскага, М. Танка, У. Корбана, К. Крапівы, А. Куляшова, М. Хведаровіча.

На беларускую мову яго вершы пераклалі В. Вітка, X. Жычка, М. Калачынскі, М. Лужанін, Р. Няхай, М. Танк, Ю. Свірка, М. Аўрамчык і інш.

Літаратура

• Кежун // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Браніслаў Адольфавіч Кежун на сайце анлайн-энцыклапедыі «Беларусь у асобах і падзеях»