Браніслаў Сільвестравіч Смольскі

Браніслаў Сільвестравіч Смольскі
Дата нараджэння	19 сакавіка 1909(1909-03-19)
Месца нараджэння	Мінск, Мінскі павет, Мінская губерня, Расійская імперыя
Дата смерці	30 сакавіка 2005(2005-03-30) (96 гадоў)
Грамадзянства	Расійская імперыя  СССР  Беларусь
Дзеці	Дзмітрый Браніслававіч Смольскі
Род дзейнасці	музыказнавец
Месца працы	Беларуская дзяржаўная кансерваторыя імя А. В. Луначарскага Ташкенцкая дзяржаўная кансерваторыя[d] Першы Нацыянальны канал Беларускага радыё Інстытут мастацтвазнаўства, этнаграфіі і фальклору імя Кандрата Крапівы НАН Беларусі Рэспубліканская музычная школа-дзесяцігодка пры Беларускай дзяржаўнай кансерваторыі імя А. В. Луначарскага
Навуковая ступень	кандыдат мастацтвазнаўства
Альма-матар	Маскоўская дзяржаўная кансерваторыя імя П. І. Чайкоўскага Расійскі інстытут тэатральнага мастацтва[d] (1960)
Узнагароды

Браніслаў Сільвестравіч Смо́льскі (19 сакавіка 1909(1909-03-19), Мінск — 30 сакавіка 2005(2005-03-30)) — беларускі музыказнавец. Заслужаны дзеяч мастацтваў БССР (1979). Кандыдат мастацтвазнаўства (1969), дысертацыя «Гісторыя беларускага музычнага тэатра ад народных вытокаў да адкрыцця Дзяржаўнага тэатра оперы і балета».

Біяграфія

Нарадзіўся 19 сакавіка 1909 года ў Мінску. Сям’я Сільвестра Смольскага была музычнай: дочкі ігралі на фартэпіяна, маці з бацькам спявалі, Браніслаў уключаўся ў іх дуэт. Марай Браніслава з дзяцінства было навучыцца граць на скрыпцы.

У 1924 годзе паступіў у Беларускі дзяржаўны маладзёжны тэатр (БДМТ), які толькі адкрыўся, у клас прафесара Аркадзя Бяссмертнага (скрыпка). Вядомы музыказнаўца Юльян Дрэйзін параіў Браніславу Смольскаму заняцца тэарэтычнымі дысцыплінамі. Паралельна, у 1928—1929 гадах, Браніслаў Смольскі працаваў музычным рэдактарам Беларускага радыёцэнтра.

Скончыў у 1936 годзе гістарычнае аддзяленне Маскоўскай кансерваторыі, у 1960 годзе тэатразнаўчы факультэт ГІТІСа. Выкладчык Беларускай кансерваторыі (1936—1941, 1944—1950), Ташкенцкай кансерваторыі і музычнай школы-дзесяцігодкі пры Ташкенцкай кансерваторыі (1941—1943), спецыяльнай музычнай школы пры Беларускай кансерваторыі (1947—1960). У 1943—1944 гадах начальнік аддзела навучальных устаноў Упраўлення па справах мастацтваў пры СНК БССР. У 1951—1952 гадах загадчык музычнай рэдакцыі Беларускага радыё. У 1953—1955 гадах загадчык музычным аддзелам Упраўлення па справах мастацтваў Міністэрства культуры БССР. З 1955 года навуковы супрацоўнік, з 1965 года старэйшы навуковы супрацоўнік Інстытута мастацтвазнаўства, этнаграфіі і фальклору АН БССР.

Памёр 30 сакавіка 2025 года

Сям’я

Сыны — Дзмітрый (1937—2017) і Аляксандр (1952—2024), абодва беларускія кампазітары.

Навуковая дзейнасць

Аўтар артыкулаў, прысвечаных пытанням развіцця беларускай музычнай культуры, тэатральных рэцэнзій, у т.л. (у калектыве аўтараў) раздзелы «Музычная культура Беларускай ССР» (у кнізе: Гісторыя музыкі народаў СССР. Т. 1-5); «Беларускі дзяржаўны ордэна Леніна Вялікі тэатр оперы і балета» (у кнізе: Мастацтва савецкай Беларусі. — Мінск, 1955), «Вытокі і першапачатковыя формы беларускага музычнага тэатра» (у кнізе: Беларускае мастацтва. — Мінск, 1960). Аўтар шэрагу творчых партрэтаў беларускіх оперных спявакоў.

Літаратура

• Дубкова Т. А. Смольскі Браніслаў Сільвестравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 61. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смольский, Бронислав Сильвестрович // Большая биографическая энциклопедия. — 2009. (руск.)
• Дубкова Т. А. Смо́льскі Браніслаў Сільвестравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 676—677. — 800 с. — 5 000 экз. — ISBN 985-11-0026-9.

Спасылкі

• Смольскі Браніслаў Сільвестравіч на сайце анлайн-энцыклапедыі «Беларусь у асобах і падзеях»