Брынёў (Петрыкаўскі раён)

Вёска Брынёў Краіна Беларусь Вобласць Гомельская Раён Петрыкаўскі Сельсавет Ляскавіцкі Каардынаты 52°11′16″ пн. ш. 28°10′55″ у. д. Першая згадка XVI стагоддзе Насельніцтва ▼462 чал. (2009) Часавы пояс UTC+3 Тэлефонны код +375 2350 Паштовыя індэксы 247947 Аўтамабільны код 3 СААТА 3243812011 Брынёў на карце Беларусі ±

Брынёў на Вікісховішчы

Брынёў (трансліт.: Brynioŭ, руск.: Бринёв) — вёска ў Петрыкаўскім раёне Гомельскай вобласці Беларусі. Уваходзіць у склад Ляскавіцкага сельсавета.

Геаграфія

Знаходзіцца за 35 км у напрамку на паўночны захад ад горада Петрыкаў, за 214 км ад Гомеля, за 10 км ад чыгуначнай станцыі Капцэвічы. Праз вёску пралягае аўтамабільная дарога Капцэвічы—Ляскавічы.

Брынёўскае радовішча бурага вугалю выяўлена ў 1973 годзе ў адкладах верхняга алігацэну і міяцэну. Мае адзін паклад. Сярэдняя магутнасць вугальнага пласта 5,8 м (макс. 19,9 м). Сярэдняя глыбіня залягання 65 м (макс. 83 м). Вугалі гумусавыя.

Гісторыя

У канцы XVIII ст. маёнтак Брынёў з прыналежнымі вёскамі (Брынёў, Ляскавічы і інш) належаў магнатам Хадкевічам.

Геранім Антонавіч Кеневіч (1796—1884) купіў 17 снежня 1837 г. у графа Аляксандра Францішка Хадкевіча (1776—1838) маёнтак Брынёў (Брынёў, Ляскавічы і інш.) — 614 рэвізскіх душ. З таго часу маёнтак належаў Кеневічам фактычна да 1920 г., калі Кеневічы ў выніку нацыяналізацыі бальшавікамі страцілі ўсе свае маёнткі, прадпрыемствы і палацы, якія апынуліся на савецкім баку ў БССР пасля Рыжскага мірнага дагавора (1921). Самі Кеневічы пераехалі на сталае жыхарства ў Польшчу.

У 1924—1978 гг. вёска была цэнтрам Брынёўскага сельсавета.

Насельніцтва

• 1995 год — 646 жыхароў, 281 двор.

Славутасці

• Помнік садова-паркавай архітэктуры — парк XIX—XX стст.
• Брацкая магіла савецкіх воінаў і партызан.

Страчаная спадчына

• Сядзібны дом.

Вядомыя асобы

• Мікола Гамолка (1922—1992) — беларускі пісьменнік.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3). — С. 277.
• Республика Беларусь. Атлас охотника и рыболова: Гомельская область / Редактор Г. Г. Науменко. — Мн.: РУП «Белкартография», 2011. — С. 22. — 68 с. — 10 000 экз. — ISBN 978-985-508-107-5. (руск.)
• Ліст карты N-35-141. Выданне 1987 г. Стан мясцовасці на 1984 г. (руск.)
• Aftanazy, R. Dzieje rezydencji na dawnych kresach Rzeczypospolitej : w 11 t. / R. Aftanazy. — Wrocław — Warszawa — Kraków : Zaklad im Ossolinskich, 1991. — Cz. 1. Wielkie księstwo Litewskie. Inflanty. Kurlandia. — T. 2. Województwa brzesko-litewskie, nowogródzkie. — 474 s.
• Kieniewicz, A. Nad Prypecią dawno temu… Wspomnienia zamierzchłej przeszłości / A. Kieniewicz. — Wrocław etc. : Ossolineum, 1989. — 558 s.

Спасылкі

• На Вікісховішчы ёсць медыяфайлы па тэме Брынёў (Петрыкаўскі раён)