Брыта Штэфен

Брыта Штэфен
Агульная інфармацыя
Пол	жанчына
Спецыялізацыя	плаванне
Нарадзілася	16 лістапада 1983(1983-11-16) (41 год) Швет, акруга Франкфурт, ГДР
Грамадзянства	Германія  ГДР
Рост	180 см
Вага	60 кг
Афіцыйны сайт
Медыяфайлы на Вікісховішчы

Брыта Штэфэн (ням.: Britta Steffen; нар. 16 лістапада 1983, Швет) — нямецкая плыўчыха, двухразовая алімпійская чэмпіёнка, двухразовая чэмпіёнка свету і шматразовая чэмпіёнка Еўропы. Рэкардсменка свету. Спецыялізуецца ў плаванні вольным стылем на кароткія дыстанцыі (50 і 100 метраў).

Першага сур’ёзнага поспеху дабілася ў 1999 годзе, выйграўшы шэсць чэмпіёнскіх тытулаў на юнацкім чэмпіянаце Еўропы, у 2000 годзе была ўключана ў алімпійскую зборную Германіі на гульні ў Сіднеі, дзе ў складзе эстафетнай каманды ў заплыве 4 × 200 м плавання вольным стылем стала ўладальніцай бронзавага медаля. Пасля завяршэння Алімпіяды на год сышла з вялікага спорту, дзеля атрымання адукацыі. Наступнага поспеху дабілася ў 2006 годзе на чэмпіянаце Еўропы, на якім выйграла 4 залатыя ўзнагароды, пабіўшы пры гэтым 3 сусветныя рэкорды (на стометроўцы вольным стылем і два ў складзе зборнай Германіі ў эстафетных заплывах). На чэмпіянаце свету 2007 года ў Мельбурне атрымала дзве срэбраныя ўзнагароды ў эстафетных заплывах. На Алімпійскіх гульнях 2008 года ў Пекіне Брыта становіцца двухразовай алімпійскай чэмпіёнкай, дабіўшыся поспеху ў заплывах на 50 і 100 метраў вольным стылем, пры гэтым у чарговы раз пабіўшы сусветны рэкорд на 100 метрах. У 2009 годзе на чэмпіянаце свету ў Рыме спартсменка ўпершыню становіцца чэмпіёнкай свету, выйграўшы заплывы на 50 і 100 метраў, паралельна абнавіўшы сусветныя рэкорды на абедзвюх дыстанцыях.