Брэднік, вярба казіная, вербалоз[4] (Salix caprea), лістападнае дрэва ці высокі куст родувярбасямейства вярбовых.
Вышыня расліны да 5-10 м. Кара гладкая, зеленавата-шэрая. Лісце шчыльнае, авальнае, распускаецца пазней за кветкі. Каташкі («коцікі») буйныя, шматлікія, з лісточкамі каля асновы, плод — каробачка.
Пашыраны па ўсёй Беларусі: у лясах, сярод хмызняку, на берагах рэк. Народныя назвы: вербалоз, івіна, лаза. Цвіце ў красавіку-маі.
Выкарыстоўваецца як дэкаратыўная і лекавая расліна. Добры дубільнік і фарбавальнік.
↑Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑Salix caprea L.(англ.) . The Plant List (2010). Version 1. Published on the Internet; http://www.theplantlist.org/. Royal Botanic Gardens, Kew and Missouri Botanical Garden. Архівавана з першакрыніцы 8 красавіка 2012. Праверана 21 сакавіка 2011.
↑З. Верас, Беларуска-польска-расейска-лацінскі ботанічны слоўнік, Выданне газеты «Голас беларуса», Друкарня С. Бэкэра. Вiльня, Субач 2, 1924
На Вікісховішчы ёсць медыяфайлы па тэме Брэднік
