Брэсцкі дзяржаўны ўніверсітэт імя А. С. Пушкіна

Брэсцкі дзяржаўны ўніверсітэт імя А. С. Пушкіна
Заснаваны	1995
Рэктар	Ганна Мікалаеўна Сендзер
Размяшчэнне	Брэст
Сайт	brsu.by

Брэсцкі дзяржаўны ўніверсітэт імя А. С. Пушкіна (БрДУ імя А. С. Пушкіна) — вышэйшая навучальная ўстанова ў г. Брэсце.

Гісторыя

Установа адукацыі Брэсцкі дзяржаўны ўніверсітэт імя А. С. Пушкіна (БрДУ імя А. С. Пушкіна) — найстарэйшая ВНУ Брэстчыны. Будынак Педагагічнага інстытута імя Пушкіна ўзведзены па праекце архітэктараў Р. Будзько, А. Казюкова, С. Палешчука, І. Карвата. У 1995 годзе ён быў ператвораны ва ўніверсітэт з Брэсцкага дзяржаўнага педагагічнага інстытута імя А. С. Пушкіна, заснаванага на базе Брэсцкага настаўніцкага інстытута (існаваў у 1945—1950 гг.). У цяперашні час навучанне вядзецца па трох профілях: навуковаму, гуманітарнаму і педагагічнаму. На 52 кафедрах універсітэта працуюць каля 560 выкладчыкаў, сярод якіх 20 дактароў навук і прафесараў, 240 кандыдатаў навук і дацэнтаў.

Структура

У структуры ўніверсітэта 9 факультэтаў:

• факультэт прыродазнаўства;
• гістарычны факультэт;
• псіхолага-педагагічны факультэт;
• сацыяльна-педагагічны факультэт;
• факультэт замежных моў;
• факультэт фізічнага выхавання і турызму,
• фізіка-матэматычны факультэт;
• філалагічны факультэт;
• юрыдычны факультэт.

Для паступлення ва ўніверсітэт неабходна паспяхова здаць цэнтралізаванае тэставанне. Дзейнічае бакалаўрыят, магістратура і аспірантура. Дзейнічае Савет па абароне кандыдацкіх дысертацый. Ва ўніверсітэце працуе рэдакцыйна-выдавецкі аддзел. Выдаецца газета «Брэсцкі ўніверсітэт», навукова-тэарэтычны часопіс «Веснік Брэсцкага ўніверсітэта», Электронныя вучэбныя выданні выкладчыкаў.

Студэнцкі гарадок

Студэнцкі гарадок створаны ў 2004 годзе. У склад студэнцкага гарадка ўваходзяць інтэрнат № 1 (вул. Леніна, 68), інтэрнат № 2 (вул. Дзяржынскага, 3), інтэрнат № 3 (вул. Смірнова, 17), інтэрнат № 4 (корпус № 1) (вул. Пушкінская, 100), інтэрнат № 4 (корпус № 2) (вул. Пушкінская, 100).

Кафедра класічнай і сучаснай іншаземнай філалогіі

Падляшская акадэмія ў Польшчы, з якой супрацоўнічала Кафедра класічнай і сучаснай іншаземнай філалогіі БрДУ

У 1990-я гады Саюз палякаў на Беларусі стараўся, каб на Брэсцкім дзяржаўным унівесітэце была створана спецыяльнасць польская філалогія. Пасля некалькі гадоў высілку з боку арганізацыі ў акадэмічным годзе 1996/1997 на філалагічным факультэце БрДУ была заснавана спецыйнальнасць руска-польская філалогія, а ў 2000 годзе — беларуска-польская філалогія. 20 верасня 1999 года на тым самым факультэце была створана Кафедра класічнай і сучаснай іншаземнай філалогіі, у склад якой уваходзілі секцыі: паланістыкі, украіністыкі, сусветнай літаратуры і класічнай літаратуры. Задачы кіраўніцы кафедры ад пачатку яе існавання споўняла дац. др Гелена Ківако, а выкладчыцамі былі: мгр Анна Дайліда, дац. др Тамара Кабот, мгр Тамара Карцелева і мгр Наталля Карнейчык. У рамках секцыі паланістыкі выкладалася: польскую мову, метадыку польскай мовы, тэорыю і практыку перакладу, гісторыю польскай літаратуры з Сярэднявечча да сучаснасці, метадыку польскай літаратуры, стылістыку і культуру польскай мовы, гістарычную граматыку польскай мовы, гісторыю Польшчы, польскую фалькларыстыку, гісторыю польскай культуры, польскую літаратуру для дзяцей і моладзі, польскае краязнаўства. У рамках праграмы заняткаў студэнтаў паланістыкі прадказвалася практыкі: краязнаўчыя (Жэшаў, Бяла Падляска), моўныя (Седльцы), навукова-метадычныя (Люблін), а таксама для студэнтаў 5. курсу настаўніцкія практыкі ў ліцэі і двух гімназыях у Брэсце і ў сярэдняй школе ў Кобрыне.

Падчас свайго існавання папулярнаць спецыяльнасці звязаных з польскай філалогяй пастайянна ўзрастала. Каб на іх патрапіць, арганізаваліся паступоўчыя іспыты. У 2000 годзе пачала на ніх вавуку 37 новых студэнтаў, калі колькасць жадаючых была на 5 разоў большая. Агулам у акадэмічным годзе 2000/2001 на абыдву спецыяльнасцях студыявала каля 140 асоб, з чаго 95 % — беларусы. У гадах 2001 і 2002 за спецыяльнасцей выйшло 29 выпускнікаў, з якіх 20 % пачала працу як настаўнікі польскай мовы.

Працоўнікі секцыі паланістыкі Кафедры класічнай і сучаснай іншаземнай філалогіі супрацоўнічалі за шматлікімі БНУ на тэрыторыі Польшчы: Падляшскай акадэміяй у Седльцах, Універсітэтам у Беластоку, Універсітэтам Марыі Кюры-Складоўскай у Любліне. Дзякуй супрацоўніцтву з прадстаўнікамі акадэміі ў Седльцах студэнты паланістыкі маглі ўдзельнічаць у моўных практыках, штогадовай Летняй школе польскай мовы і шматлікіх навуковых канферэнцыях. Польскі бок дапамагаў таксама перадаючы падтручнікі і ўстройствы, якія дапамагалі весці заняткі. Секцыю паланістыкі падтрымоўвалі таксама працоўнікі Генеральнага кансулята Рэспублікі Польшча ў Брэсце, кансулы: Томаш Кліманскі, Рамуальд Кунат і Анджэй Кухарчук. Паводле Агнешкі Грэндзік-Радзяк, дзякуй гэтай дапамозе секцыя паланістыкі дасягала добрых вынікаў навучання.

Рэктары

• Пётр Паўлавіч Дзема (1946—1948);
• Міхаіл Канстанцінавіч Кірылаў (1948—1952);
• Васіль Сцяпанавіч Серафімаў (1952—1958);
• Мікалай Міронавіч Івашэнка (1958—1964);
• Васіль Рыгоравіч Доркін (1964—1968);
• Сяргей Адамавіч Гусак (1968—1969);
• Георгій Пятровіч Андраюк (1970—1989);
• Васіль Аляксеевіч Сцепановіч (1989—1999);
• Уладзімір Анесціевіч Плецюхоў (1999—2002);
• Мечыслаў Эдвардавіч Часноўскі (лістапад 2002 — май 2014);
• Ганна Мікалаеўна Сендзер (з мая 2014).

Вядомыя выпускнікі

• Вольга Іванаўна Бельская (нар. 1979) — беларускі мастак.
• Максім Альбертавіч Багдасараў (нар. 1973) — беларускі геолаг.
• Алесь Зайка (1948—2018) — беларускі краязнавец.
• Вера Якаўлеўна Ляшук (нар. 1933) — беларускі мовазнавец.
• Галіна Мікалаеўна Малажай (1938—2005) — беларускі мовазнавец.
• Васіль Іванавіч Сянкевіч (нар. 1959) — беларускі мовазнавец.
• Міхась Тычына (нар. 1943) — беларускі літаратуразнавец.
• Ганна Вадзімаўна Шарэвіч (нар. 1985) — беларуская шахматыстка.
• Павел Аляксандравіч Пернікаў (нар. каля 1992) — беларускі вікіпедыст, праваабаронец і музычны менеджар.
• Паліна Сяргееўна Шарэнда-Панасюк — беларуская актывістка.

Літаратура

• Агнешка Грэндзік-Радзяк. Oświata i szkolnictwo polskie na ziemiach północno-wschodnich II Rzeczypospolitej i współczesnej Białorusi 1939–2001. — Торунь: Europejskie Centrum Edukacyjne, 2007. — 441 с. — ISBN 978-83-60738-09-2. (польск.)