Брэсцкі раённы Савет дэпутатаў
| Брэсцкі раённы Савет дэпутатаў | |
|---|---|
| 29-е скліканне | |
| Тып | |
| Тып | аднапалатны |
| Кіраўніцтва | |
| Старшыня | Уладзімір Міхайлавіч Хвацік[1] |
| Намеснік старшыні | Вадзім Міхайлавіч Кушнерук[1] |
| Структура | |
| Членаў | 28 дэпутатаў |
| Камітэты | 5 пастаянных камісій |
| Выбары | |
| Сістэма галасавання | мажарытарная |
| Апошнія выбары | 25 лютага 2024 года |
| Зала пасяджэнняў | |
| Сайт | |
| Старонка на сайце Брэсцкага раённага выканаўчага камітэта | |
Брэсцкі раённы Савет дэпутатаў — прадстаўнічы дзяржаўны орган і асноўнае звяно сістэмы мясцовага самакіравання на тэрыторыі Брэсцкага раёна Брэсцкай вобласці Беларусі. З’яўляецца юрыдычнай асобай. Падсправаздачны ў сваёй дзейнасці грамадзянам і адказны перад імі. У сваю чаргу Савету па пытаннях, аднесеных да яго кампетэнцыі, падсправаздачны Брэсцкі раённы выканаўчы камітэт[2].
Статус і парадак абрання
[правіць | правіць зыходнік]Савет з’яўляецца выбарным органам. Дэпутаты Савета абіраюцца грамадзянамі раёна на аснове ўсеагульнага, свабоднага, роўнага і прамога выбарчага права пры таемным галасаванні тэрмінам на 5 гадоў. Выбары праводзяцца ў адзіны дзень галасавання[2].
Паўнамоцтвы Савета пачынаюцца з дня адкрыцця першай пасля выбараў сесіі і захоўваюцца да адкрыцця першай сесіі Савета новага склікання[2].
Дзейнасць і структура
[правіць | правіць зыходнік]Дзейнасць Савета ажыццяўляецца праз сесіі (якія склікаюцца не радзей як адзін раз у квартал), працу органаў Савета, а таксама праз рэалізацыю дэпутатамі сваіх паўнамоцтваў. Савет арганізуе сваю працу на аснове рэгламенту[2].
Прэзідыум
[правіць | правіць зыходнік]Для арганізацыі працы Савета ствараецца Прэзідыум, у склад якога ўваходзяць старшыня Савета, намеснік старшыні і старшыні пастаянных камісій[2].
Пастаянныя камісіі
[правіць | правіць зыходнік]Для папярэдняга разгляду і падрыхтоўкі пытанняў, а таксама арганізацыі кантролю за выкананнем рашэнняў, з ліку дэпутатаў ствараюцца пастаянныя камісіі[2]. У Брэсцкім раённым Савеце дэпутатаў XXIX склікання дзейнічаюць 5 пастаянных камісій[3]:
- па пытаннях законнасці Савета, аховы грамадскага парадку, захавання правоў і свабод грамадзян;
- па пытаннях бюджэту і сацыяльна-эканамічнага развіцця;
- па аграрных пытаннях, ахове навакольнага асяроддзя і экалогіі;
- па пытаннях працы мясцовага кіравання і самакіравання;
- па пытаннях сацыяльна-культурнай сферы і сацыяльнай абароны насельніцтва.
Кампетэнцыя
[правіць | правіць зыходнік]У адпаведнасці з артыкулам 17 Закона Рэспублікі Беларусь «Аб мясцовым кіраванні і самакіраванні», да выключнай кампетэнцыі Савета адносяцца[2]:
- зацвярджэнне праграм сацыяльна-эканамічнага развіцця, мясцовага бюджэту і справаздачы аб яго выкананні;
- вызначэнне парадку кіравання і распараджэння камунальнай уласнасцю;
- усталяванне мясцовых падаткаў і збораў;
- прызначэнне мясцовых рэферэндумаў;
- зацвярджэнне на пасадзе старшыні Брэсцкага раённага выканаўчага камітэта.
Таксама Савет удзельнічае ў рэалізацыі грамадзянскіх ініцыятыў, накіраваных на паляпшэнне якасці жыцця насельніцтва[2].
Склад
[правіць | правіць зыходнік]29-е скліканне
[правіць | правіць зыходнік]Выбары ў мясцовыя Саветы дэпутатаў 29-га склікання адбыліся ў адзіны дзень галасавання 25 лютага 2024 года. У Брэсцкі раённы Савет дэпутатаў было абрана 28 дэпутатаў[4].
Старшыні
[правіць | правіць зыходнік]- з 2018 года — Уладзімір Міхайлавіч Хвацік[1].
Крыніцы
[правіць | правіць зыходнік]- ↑ а б в Президиум Брестского районного Совета депутатов двадцать девятого созыва (руск.). Брэсцкі раённы выканаўчы камітэт. Праверана 17 студзеня 2026.
- ↑ а б в г д е ё ж Закон Республики Беларусь от 4 января 2010 г. № 108-З «О местном управлении и самоуправлении в Республике Беларусь»
- ↑ Постоянные комиссии Брестского районного Совета депутатов двадцать девятого созыва (руск.). Брэсцкі раённы выканаўчы камітэт. Праверана 17 студзеня 2026.
- ↑ Депутаты Брестского районного Совета депутатов двадцать девятого созыва (руск.). Брэсцкі раённы выканаўчы камітэт. Праверана 17 студзеня 2026.