Брэсцкі дзяржаўны тэхнічны ўніверсітэт
| Брэсцкі дзяржаўны тэхнічны ўніверсітэт | |
|---|---|
 | |
| Заснаваны | 1 красавіка 1966 года |
| Рэктар | Аляксандр Генадзевіч Бахановіч |
| Студэнты | 5 400 |
| Сайт | bstu.by |
Брэсцкі дзяржаўны тэхнічны ўніверсітэт (БрДТУ) — вышэйшая навучальная ўстанова Брэста. Комплекс будынкаў БрДТУ (1965—1980) размешчаны па адрасе вул. Маскоўская, 267 і ўваходзіць у ансамбль мікрараёна Усход.
Гісторыя[правіць | правіць зыходнік]
Створаны 1 красавіка 1966 года. Ва ўніверсітэце падрыхтоўваюць працаўнікоў патэхнічных спецыяльнасцях: будаўнікі, архітэктары, інжынеры па інфармацыйных тэхналогіях, эканамiсты і інш.
2020 год[правіць | правіць зыходнік]
28 кастрычніка 2020 года 9 студэнтаў будаўнічага факультэта і факультэта электронна-інфармацыйных сістэм былі адлічаны за т.зв. «парушэнне грамадскага парадку»[1]. Дакладная запіска пра адлічэнне студэнтаў была падпісана прарэктарам універсітэта Наталляй Ялавай[2].
29 кастрычніка звольнілася юрысконсульт БрДТУ Вольга Аўдзяйчук, бо не хацела падпісваць загад аб адлічэнні студэнтаў, да якога ў жанчыны ўзніклі справядлівыя пытанні[3]. Начальніца юрыдычнага аддзелу Таццяна Крывушчанка таксама сышла з пасады ў знак пратэсту супраць нелегітымнага загаду, як і некаторыя іншыя выкладчыкі ўніверсітэта[4].
Рэктары[правіць | правіць зыходнік]
- Леанард Іванавіч Коршун (1980—1995)[5]
- Аляксандр Вячаслававіч Драган (да 20 кастрычніка 2020)
- Аляксандр Генадзевіч Бахановіч (з 20 кастрычніка 2020)
Факультэты[правіць | правіць зыходнік]
Будаўнічы, эканамічны, электронна-інфармацыйных сістэм, водазабеспячэння і гiдрамелiарацыi, машынабудаўнічы, завочнага навучання.
Эканамічны факультэт[правіць | правіць зыходнік]
Факультэт быў створаны 1 лютага 1995 года. Ён быў заснаваны на базе студэнтаў спецыяльнасці «Камерцыйная дзейнасць» набораў 1993 г. (2 групы, у якіх 25 чалавек вучыліся за кошт бюджэту, а 11 чалавек упершыню ў гісторыі тады яшчэ Брэсцкага політэхнічнага інстытута самі аплачвалі сваё навучанне) і 1994 года (6 груп), якія да гэтага ставіліся да будаўнічаму факультэту. У далейшым на факультэце былі адкрыты наступныя спецыяльнасці:
- Маркетынг;
- Сусветная эканоміка;
- Бухгалтарскі ўлік, аналіз і аўдыт;
- Фінансы і крэдыт;
- Эканоміка і кіраванне на прадпрыемстве;
- Арганізацыя вытворчасці.
З 1995 года нязменным дэканам факультэта з’яўляецца к.т.н., дацэнт Радчук Анатоль Пятровіч.
Навучанне на факультэце забяспечваюць наступныя кафедры:
- Эканамічнай тэорыі;
- Інфарматыкі і прыкладной матэматыкі;
- Замежных моў эканамічных спецыяльнасцей;
- Менеджменту;
- Бухгалтарскага ўліку, аналізу і аўдыту;
- Сусветнай эканомікі, маркетынгу, інвестыцый.
Кафедра сусветнай эканомікі, маркетынгу, інвестыцый[правіць | правіць зыходнік]
Структурнае падраздзяленне было створана 1 сакавіка 1998 года. Кафедрай кіравалі:
- д.т.н., к.э.н., прафесар Галавач Эма Пятроўна (сакавік 1998 — люты 2004);
- к.т.н., дацэнт Прароўскі Андрэй Генадзевіч (з ліпеня 2004 г. па цяперашні час).
На кафедры працуе 1 доктар і 8 кандыдатаў навук. Кафедра з’яўляецца выпускаючай для студэнтаў спецыяльнасцей «Сусветная эканоміка» і «Маркетынг».
Зноскі
- ↑ Па ўсёй краіне звальняюць страйкоўцаў і адлічваюць студэнтаў. Новы час (28 кастрычніка 2020). Праверана 28 кастрычніка 2020.
- ↑ Перова, Аня Приказы на десятки человек и повестки в военкомат. Что сейчас происходит с отчислениями в вузах (руск.) . TUT.BY (29 кастрычніка 2020). Праверана 1 лістапада 2020.
- ↑ Юрысконсульт БрДТУ звольнілася, бо не хацела падпісваць загад аб адлічэнні студэнтаў (бел.) . Наша Ніва (29 кастрычніка 2020). Праверана 2 лістапада 2020.
- ↑ Как студентов БрГТУ отчисляли после акции солидарности (руск.) // Брестская газета : газета. — 2020. — № 46 (935). — С. 6.
- ↑ Вучоныя Беларусі. Коршун, Леанард Іванавіч (кандыдат тэхнічных навук; механіка ; 1932—1995) // Нацыянальная бібліятэка Беларусі
