Брэт Кавана

Брэт Майкл Кавана
Brett Michael Kavanaugh
102-і суддзя Вярхоўнага Суда ЗША з 6 кастрычніка 2018
Прэзідэнт	Дональд Трамп
Папярэднік	Энтані Кенэдзі
57-ы суддзя Апеляцыйнага суда ЗША па акрузе Калумбія 30 мая 2006 — 6 кастрычніка 2018
Прэзідэнт	Джордж Уокер Буш
Папярэднік	Лорэнс Сілберман
Пераемнік	пазіцыя вакантна
Нараджэнне	12 лютага 1965(1965-02-12) (59 гадоў) Вашынгтон, ЗША
Імя пры нараджэнні	англ.: Brett Michael Kavanaugh
Жонка	Эшлі Эстэс
Дзеці	2
Веравызнанне	каталіцтва
Партыя	Рэспубліканская
Адукацыя	Ельскі ўніверсітэт
Навуковая ступень	доктар юрыспрудэнцыі
Прафесія	юрыст
Дзейнасць	суддзя, палітык, адвакат
Месца працы	Цэнтр права Джорджтаўнскага ўніверсітэта[d] Ельская школа права[d] Williams & Connolly[d] Kirkland & Ellis[d] United States Department of Justice[d]
Медыяфайлы на Вікісховішчы

Брэт Ка́вана (англ.: Brett Kavanaugh; нар. 12 лютага 1965, Вашынгтон, ЗША) — амерыканскі юрыст, суддзя Вярхоўнага Суда ЗША з 6 кастрычніка 2018.

Кавана нарадзіўся ў 1965 г. у каталіцкай сям'і ірландскага паходжання ў г. Вашынгтоне. Яго бацька быў юрыстам, а маці - настаўніцай гісторыі ў школе. Вырас у горадзе Бетэсда, штат Мэрыленд, дзе вучыўся ў езуіцкай Джорджтаўнскай падрыхтоўчай школе. Падчас вучобы быў капітанам баскетбольнай каманды і рэсіверам і корнэрбэкам у футбольнай. Выбітна скончыў Ельскі ўніверсітэт, дзе няўдала спрабаваў стаць гульцом студэнцкай баскетбольнай каманды Ель Бульдогс і быў аўтарам спартыўнай калонкі ў студэнцкай газеце. Пасля паступіў у Ельскую школу права, дзе атрымаў ступень доктара юрыспрудэнцыі.

Працаваў у апеляцыйных судах трэцяй і дзявятай акруг, браў удзел у раследаванні скандала з Монікай Левінскі і Білам Клінтанам, потым працаваў у адміністрацыі Белага дома пры Джорджы Бушы-малодшым. У 2006 г. быў прызначаны ў Апеляцыйны суд па акрузе Калумбія. 9 ліпеня 2018 быў прадстаўлены для прызначэння ў Вярхоўны Суд ЗША на замену суддзе Энтані Кенэдзі, які сышоў на пенсію. Падчас разгледжання кандыдатуры Кавана, прафесар псіхалогіі Крысцін Форд абвінаваціла яго ў спробе згвалтавання, якая, па яе словах, адбылася ў пачатку 1980-ых, калі яны былі яшчэ падлеткамі.

Падчас слушанняў у Сенаце яшчэ дзве жанчыны выступілі сведкамі ў справе супраць Кавана. Сенат даручыў ФБР правесці раследаванне справы, якое не знайшло доказаў віноўнасці кандыдата, і, пасля затрымкі, Брэт Кавана быў прызначаны на пасаду 50 галасамі супраць 48 (ён атрымаў падтрымку ўсіх, акрамя аднаго, сенатараў-рэспубліканцаў і аднаго дэмакрата).