Буланіды
Буланіды — уладарная дынастыя Хазарскага каганату ў IX—X стагоддзях.
Родапачынальнік — Булан (Сабрыель), з якім традыцыя звязвае прыняцце хазарамі іўдаізму каля 730—740 гадоў. Імаверна, ён быў не ўладаром, а знатным хазарынам, бо з незалежных крыніц пэўна вызначана, што хазарамі тым часам уладарыў каган.
Прыняцце іўдаізму дапамагло нашчадкам Булана адцясніць дынастыю язычніцкіх каганаў ад улады. На мяжы VIII—IX стагоддзяў нашчадак Булана — Абадзія, стаў фактычным уладаром, замацаваўшы тытул намесніка кагана (бек-мелеха) за сваімі нашчадкамі. З гэтага часу фактычнае ўладарства здзяйснялі менавіта бек-мелехі. Пералік іх вядомы з яўрэйска-хазарскай перапіскі, пачынаецца ён з Абадзіі і заканчваецца Іосіфам.
Некаторыя гісторыкі, у тым ліку Леў Гумілёў, на грунце яўрэйскіх імёнаў бек-мелехаў, сцвярджаюць, што Буланіды (Сабрыеліды) былі этнічнымі яўрэямі, а па сацыяльным паходжанні — гандлярамі, купцамі-рахданітамі[1].
Спіс уладароў — бек-мелехаў
[правіць | правіць зыходнік]- Абадзія
- Іезекія
- Манасія I
- Ханука
- Ісаак
- Завулон
- Манасія II
- Нісі
- Аарон І
- Менахем
- Беньямін
- Аарон II
- Іосіф
Крыніцы
[правіць | правіць зыходнік]- ↑ Гумилёв Л. Н. Открытие Хазарии: (Историко-географический этюд) / АН СССР. Ин-т истории народов Азии. — М.: Наука. 1966. — 191 с. с илл. и карт. 15000 экз.