Бурка (мужчынская вопратка)
Бу́рка — мужчынская вопратка з башлыком, якую звычайна надзявалі ў дарогу або ў халоднае дажджлівае надвор’е паверх кажуха ці світкі. Як тып адзення бурка прыйшла ў Еўропу з Усходу (сам тэрмін лічыцца персідскім)[1].
Гісторыя і бытаванне
[правіць | правіць зыходнік]На тэрыторыі Беларусі бурка вядома з XVII стагоддзя. З канца XIX стагоддзя пад уплывам гарадскога касцюма яна трывала замацавалася ў сялянскім асяроддзі і бытавала амаль па ўсёй краіне да 1950-х гадоў. У некаторых мясцовасцях гэты тып адзення называлі бурносам.
Таксама бурка вядома як традыцыйны лямцавы плашч у народаў Каўказа[1].
Апісанне
[правіць | правіць зыходнік]Беларускія буркі шылі з саматканага валенага сукна цёмных колераў. Яны мелі прамы крой, былі двухбортнымі, з адкладным каўняром, шырокім хлясцікам (поясам) і праразнымі кішэнямі. Святочныя варыянты часта ўпрыгожвалі дэкаратыўнай строчкай, а таксама нашыўкамі з чорнага ці чырвонага сукна і тасьмы[1].
Крыніцы
[правіць | правіць зыходнік]- 1 2 3 Беларуская энцыклапедыя 1996, с. 349.
Літаратура
[правіць | правіць зыходнік]- М. Ф. Раманюк. Бурка // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 349. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).